Ватыкан крытыкуе палітыкаў Еўразвязу
- Written by katolik-gomel.by
- Published in Царква
- Add new comment
Прэфект Папска дому, арцыбіскуп Георг Генсвайн, звярнуўся з крытыкай у бок палітыкаў Еўрапейскага Саюза па прычыне адсутнасці рэакцыі ва ўмовах ўсё большай колькасці нападаў на хрысціянскія каштоўнасці і сімвалы і актаў вандалізму ў адносінах да касцёльных будынкаў у Еўропе.
Асабісты сакратар Бэнэдыкта XVI узначаліў у мінулую нядзелю св. Імшу падчас пілігрымкі швейцарскага аддзялення фонду “Дапамога Касцёлу у патрэбе” у бенедыктынскае абацтва ў Айнзідэльне, перад якой удзельнічаў у канферэнцыі на тэму хрысціян, якія пакутуюць за сваю веру ў Еўропе.
На думку арцыбіскупа Генсвайна, антысеміцкія або ісламафобскія дзеянні і заявы справядліва крытыкуюцца з боку СМІ і палітыкаў, але Еўропа павінна таксама праяўляць больш пільнасці ў дачыненні да нецярпімасці і дыскрымінацыі, з якімі сутыкаюцца хрысціяне. Ён спаслаўся на апошнюю справаздачу Арганізацыі па бяспецы і супрацоўніцтву ў Еўропе на тэму злачынстваў на глебе нянавісці, якая паказвае, што хрысціяне часта становяцца ахвярамі гэтай з’явы.
“Дзе рэакцыя нашых палітыкаў?”, - спытаў арцыбіскуп. Паводле яго, у Еўрапейскім Саюзе расце ваяўнічы секулярызм, і некаторыя спрабуюць закрыць рот хрысціянам, спіхнуць рэлігію на абочыну, выступаюць супраць сям’і , якая з’яўляецца асновай грамадства. Еўрапейскі кантынент не зможа жыць, калі адрэжа сябе ад сваіх хрысціянскіх каранёў, таму што гэта пазбавіць яго душы, сказаў арцыбіскуп Генсвайн.