У Гомельскай дзіцячай вёсцы прайшло свята Анёлаў-Ахоўнікаў [фота]
- Written by Алина Приходько
- Published in Карытас - Гомель
- Add new comment
Каталіцкі біскуп і праваслаўны святар памаліліся і асвяцілі дамы дзяцей.
У Гомельскай дзіцячай вёсцы 8 мая прайшло свята Анёлаў-Ахоўнікаў. Як вядома, кожная сям'я мае свайго Анёла-Ахоўніка, які намаляваны на абразе, і сёння адбылося асвячэнне абразоў у двух катэджах: Маці Божай Вастрабрамскай і Георгія Перамаганосца.
На свята прыехала шмат гасцей: біскуп Казімір Велікаселец, праваслаўны айцец Мікалай, супрацоўнікі БКМ «Карытас-Міласэрнасць», госці рымска-каталіцкай парафіі. Спачатку была супольная малітва, якую вёў айцец Мікалай, затым біскуп Казімір Велікаселец асвяціў домікі, пасля чаго пачаўся выдатны канцэрт, падрыхтаваны дзецьмі. У канцэрце ўдзельнічалі як старэйшыя дзеци, так і малыя. Усе ўдзельнікі спявалі, танцавалі, расказвалі вершы. Была свабодная святочная атмасфера, і ўсе былі шчыра рады таму, што адбываецца.
Пасля канцэрту быў арганізаваны салодкі стол, пасля якога дзяцей чакала дыскатэка на вуліцы. Надвор'е было проста выдатнае, свяціла яркае сонца. Госці і дзеци былі вельмі задаволеныя святам.
Related items
- Глядзець, чытаць, удзельнічаць: праваслаўная Велікодная служба па-беларуску з анлайн-трансляцыяй пройдзе ў Вільні
- «Бог даў нам адсутнасць паветранай трывогі». Пра Дзень дзіцяці ў Жытоміры распавёў біскуп
- Ці ўступаць у піянеры, спыталі ў вернікаў – частка адказаў здзівіла
- Загадкі Каралевы Беларусі: уратавала ад маскоўскай акупацыі, знікла і зноў аб'явілася
- Адпраўка ў войска ў Беларусі адбываецца з удзелам святароў