Гомельскія скаўты адправяцца за горад на «Асеннік»
- Written by katolik-gomel.by
- Published in Скаўты - Гомель
- Add new comment
Мерапрыемства прысвецяць памяці аб продках, таксама хлопцы будуць рыхтавацца да еўрапейскай сустрэчы скаўтаў.
У пачатку лістапада, падчас школьных канікул, гомельскі «звяз» хлопцаў-скаўтаў правядзе за горадам «Асеннік» - выязную сустрэчу, падчас якой юнакі будуць рыхтаваць сабе ежу на вогнішчы, гуляць у скаўцкія гульні, выконваць розныя заданні, начаваць у паходных умовах. Таксама хлопцы будуць рыхтавацца да еўрапейскай сустрэчы скаўтаў, што практыкуюць педагогіку FSE, якая пройдзе летам у Францыі.
1 лістапада, у Дзень усіх святых, скаўты прымуць удзел у набажэнстве на могілках, дзе пахаваныя каталіцкія святары, а 2 лістапада, у Дзень усіх памерлых вернікаў, - у набажэнстве на месцы масавых расстрэлаў рэпрэсаваных у сталінскія гады. Такім чынам сваю сустрэчу скаўты прысвецяць памяці аб продках.
Дарэчы, гомельскія дзяўчыны-скаўткі свой «Асеннік» правядуць у Івянцы, куды іх запрасілі для сумеснай сустрэчы мясцовыя каталіцкія скаўткі.
Related items
- Пасля сутак на мяжы кіроўцу не ўпусцілі ў Беларусь з Польшчы. Прычына небанальная
- Пацалунак пад абразом і цягнік з адным вагонам – чым дзеліцца парафія ў глыбінцы
- Загадкавую смерць манахіні расследуюць у Гомелі
- З 7 дзецьмі пасля 25 сутак вядомы прапаведнік пакінуў Беларусь
- У Ізраілі католікі з Беларусі спакойна перажылі атаку Ірана, але «вайна дастала»