Пацалунак пад абразом і цягнік з адным вагонам – чым дзеліцца парафія ў глыбінцы
- Written by KATOLIK.LIFE
- Published in Царква
- Add new comment
У чым знаходзяць радасць вернікі ў рэгіёнах і з чаго складаецца іх штодзённасць, добра паказвае старонка ў Лынтупах.
Працягваем шукаць цікавыя актыўнасці каталіцкіх вернікаў у сацсетках і на гэты раз знаёмім з паблікам парафіі ў Лынтупах. Гэта вельмі «цёплая» старонка, допісы на якой дазваляюць атрымаць уяўленне, як жывуць парафіі ў глыбінцы, у чым знаходзяць радасць самі і як імкнуцца дзяліцца ёю з іншымі.
Пра тое, што супольнасць жывая, сведчаць фота і відэа з дзецьмі, якія актыўна ўдзельнічаюць у жыцці парафіі. Яны ладзяць сцэнкі, весела віншуюць з юбілеем арганістку, наведваюць з калядой вернікаў сталага веку (адной з бабуль, якую віншавалі дзеці, ідзе ўжо 100-ы год), разам адпачываюць і прыбіраюць тэрыторыю святыні.
Стараюцца для малодшых вернікаў і дарослыя: для іх арганізоўваюць сустрэчы ў парафіяльным араторыі, нават з начоўкамі.
Прысутнічаюць на фота і старэйшыя вернікі. Напрыклад, Галіна і Віктар Лукшы адзначылі ў касцёле 40 год сумеснага жыцця – атрымалі дабраславенне ад пробашча Аляксандра Барана і падарылі адзін аднаму пацалунак пад іконай Езуса Міласэрнага.
Таксама ў пабліку паказваюць прыгажосць Божага стварэння і дзеляцца момантамі паўсядзённага жыцця: напрыклад, тым, як ажывае вясной прырода, а міма праязджае цягнік з адным вагонам.
Ніжэй прапануем фотападборку з парафіяльнай старонкі. Спасылкі на іншыя жывыя паблікі можна пакідаць у каментарах.
Наш канал в Telegram – только интересное и важное. Подписаться >
Related items
- Фэст у лясной капліцы з незвычайнай гісторыяй святкавалі капуцыны і пілігрымы
- «Бог даў нам адсутнасць паветранай трывогі». Пра Дзень дзіцяці ў Жытоміры распавёў біскуп
- Пад'ём у 3:30, маўчанне і ніякіх гаджэтаў. Адзіны ў свеце беларус камельдул наведаў родны горад
- Ці ўступаць у піянеры, спыталі ў вернікаў – частка адказаў здзівіла
- «Пад зямлёй адчула сябе шчаслівай». Беларуска працуе ў шахце і запрашае туды на Імшу