Гравюры Далі і кнігі Скарыны прадставіць выстава «Беларусь і Біблія»
- Written by Katolik.life
- Published in Соцыум
- Add new comment
Міжнародная экспазіцыя адкрываецца ў Нацыянальнай бібліятэцы ў Мінску.
20 верасня - 21 кастрычніка ў Нацыянальнай бібліятэцы Беларусі пройдзе міжнародная выстава "Беларусь і Біблія", прысвечаная самай вядомай і ўплывовай кнізе ў гісторыі чалавецтва. На выставе будуць дэманстравацца 170 унікальных рукапісных і друкаваных помнікаў кніжнай культуры, сабраных з 11 дзяржаўных і прыватных калекцый ЗША, Вялікабрытаніі і Ізраіля, а таксама прадастаўленыя Нацыянальнай бібліятэкай Беларусі.
Сярод экспанатаў:
- скруткі Мёртвага мора,
- самы старажытны фрагмент Новага Запавету,
- рэканструкцыя друкарскага станка Гутэнберга 15 ст,
- кнігі Гутэнберга, Марціна Лютара і Францішка Скарыны,
- гравюры Альбрэхта Дзюрэра, Гюстава Дорэ, Сальвадора Далі.
Некалькі раздзелаў выставы будуць прысвечаны гісторыі Бібліі ў Беларусі. На выставе будзе дзейнічаць інтэрактыўная пляцоўка для дзяцей, і друкарскі станок Гутэнберга, на якім кожны ахвотны зможа надрукаваць аркуш з Бібліі. Таксама ў межах выставы пройдуць занімальныя і пазнавальныя экскурсіі і выступленні сусветна вядомых экспертаў.
На адкрыццё выставы, якое пройдзе 20 верасня, запрошаны вядомы хрысціянскі публіцыст і прапаведнік Джош Макдауэл, аўтар бестсэлераў "Не проста цясляр", "Бясспрэчныя сведчаньні" і яшчэ 150 кніг.
Выстава працуе ў Музеі кнігі Нацыянальнай бібліятэкі Беларусі (пам. 347)
Час працы:
Аўторак, серада, пятніца: 10.30-19.00
Чацвер, субота, нядзеля: 10.00-18.00
Выхадны дзень - панядзелак
Адрас:
Мінск, прасп. Незалежнасці 116
Заказ экскурсій: тэл.(+375 17) 293-27-22, 293-28-53, 293-29-66
Related items
- Фэст у лясной капліцы з незвычайнай гісторыяй святкавалі капуцыны і пілігрымы
- «Бог даў нам адсутнасць паветранай трывогі». Пра Дзень дзіцяці ў Жытоміры распавёў біскуп
- І ў горадзе, і ў вёсцы: фестываль арганнай музыкі пройдзе ў касцёлах Беларусі
- Ці ўступаць у піянеры, спыталі ў вернікаў – частка адказаў здзівіла
- Загадкі Каралевы Беларусі: уратавала ад маскоўскай акупацыі, знікла і зноў аб'явілася