На "Канікулах з Богам" у Шчучыне дзяцей вучылі абыходзіцца са зброяй
- Written by KATOLIK.LIFE
- Published in Соцыум
- Add new comment
Мерапрыемства для больш за 500 дзяцей на тэрыторыі касцёла арганізавала міліцыя
На тэрыторыі каталіцкага храма святой Тэрэзы Авільскай у Шчучыне супрацоўнікі мясцовага РАУС арганізавалі мерапрыемства, якое назвалі «святам дружбы дзяцей і дарослых». Міліцыянты прывезлі сваю тэхніку, амуніцыю і зброю. У гэты час тут праходзілі «Канікулы з Богам», на якіх сабралі больш за 500 дзяцей, гаворыцца ў паведамленні УУС Гродзенскага аблвыканкама. Сярод іх былі і дзеці супрацоўнікаў міліцыі.
Паводле начальніка інспекцыі па справах непаўналетніх Шчучынскага РАУС, такім мерапрыемствам, якое ўпершыню праходзіла на тэрыторыі касцёла, міліцыянты хацелі «выхаваць у падрастаючага пакалення павагу да прафесіі, цікавасць да службы».
Таксама ў інфармацыі гаворыцца, што «побач з людзьмі ў пагонах былі выхаванцы ваенна-патрыятычнага праваслаўнага клуба «Дружына» - яны паказвалі аднагодкам-католікам, «як можна хутка і спрытна зрабіць разборку і зборку зброі».
У паведамленні прыводзяцца і словы мясцовага святара Андрэя Агеля: «Мне радасна, што сёння ў нас столькі гасцей, што дзецям і моладзі тут так цікава. Маладое пакаленне атрымлівае новыя веды, вучыцца ўзаемапавазе і духоўнасці».
Media
Related items
- Напярэдадні Вялікадня праваслаўны архіепіскап наведаў каталіцкі цэнтр у Гомелі
- Фэст у лясной капліцы з незвычайнай гісторыяй святкавалі капуцыны і пілігрымы
- Глядзець, чытаць, удзельнічаць: праваслаўная Велікодная служба па-беларуску з анлайн-трансляцыяй пройдзе ў Вільні
- «Бог даў нам адсутнасць паветранай трывогі». Пра Дзень дзіцяці ў Жытоміры распавёў біскуп
- І ў горадзе, і ў вёсцы: фестываль арганнай музыкі пройдзе ў касцёлах Беларусі