18 студзеня ў свеце пачаўся Тыдзень малітваў аб еднасці хрысціян

Студзень 16, 2015
Written by katolik-gomel.by
Published in Царква
Add new comment

Прадстаўнікі розных хрысціянскіх канфесій збіраюцца разам на набажэнствах, канферэнцыях, канцэртах, каб маліцца аб еднасці.

Сёлета ў Паўсюдным Касцёле Тыдзень малітваў аб еднасці хрысціян пройдзе з 18 па 25 студзеня. Тыдні малітваў аб еднасці хрысціян, якія арганізуюць Папская рада спрыяння хрысціянскаму адзінству і Сусветная Рада Цэркваў, праходзяць з 1968 года. Падчас іх прадстаўнікі розных хрысціянскіх канфесій збіраюцца разам на набажэнствах, канферэнцыях, канцэртах і г.д., каб маліцца аб еднасці згодна са словамі Хрыста: «Каб усе былі адно».

24 студзеня ў архікатэдральным касцёле Імя Найсвяцейшай Панны Марыі ў Мінску пройдзе экуменічная малітва аб еднасці хрысціян. Экуменічная сустрэча з удзелам прадстаўнікоў розных хрысціянскіх канфесій распачнецца ў 19.00 пасля святой Імшы ў 18.30, паведамляе Catholic.by і публікуе матэрыялы да Тыдня малітвы аб еднасці хрысціян.

Last modified onПанядзелак, 19 Студзень 2015 13:09

Tagged under

Related items