Без тлумачэння прычын: арцыбіскупа Кандрусевіча не пусцілі ў Беларусь
- Written by KATOLIK.LIFE
- Published in Царква
- Add new comment
Апошнім часам іерарх агучваў пазіцыю каталіцкіх біскупаў па вострых пытаннях
31 жніўня супрацоўнікі памежнай службы Беларусі адмовілі ва ўездзе ў краіну Мітрапаліту Мінска-Магілёўскаму арцыбіскупу Тадэвушу Кандрусевічу, які з'яўляецца старшынёй Канферэнцыі каталіцкіх біскупаў у Беларусі. На памежным пераходзе Кузніца Беластоцкая - Брузгі, калі 74-гадовы іерарх уязджаў з Польшчы ў Беларусь пасля замежнай камандзіроўкі, супрацоўнікі беларускай памежнай службы адмовілі кіраўніку беларускага каталіцкага епіскапату ва ўездзе ў краіну без тлумачэння прычыны.
За высвятленнем прычыны забароны ўезду на тэрыторыю Беларусі памежнікі адрасавалі ў Дзяржпамежкамітэт. Мітрапаліту давялося вярнуцца назад на тэрыторыю Польшчы. Там ён будзе чакаць адказу памежных уладаў.
Інцыдэнт называюць нонсэнсам, бо Мітрапаліт - грамадзянін Беларусі. Невядома, якой, на падставе заканадаўства, можа быць прычына забароны ва ўездзе ў краіну грамадзяніна дзяржавы.
Апошнім часам іерарх выказваў пазіцыю каталіцкіх біскупаў па вострых пытаннях: адносна мінулых прэзідэнтскіх выбараў, пратэстаў, што пачаліся пасля агучвання афіцыйных вынікаў галасавання, беспрэцыдэнтнага гвалту з боку сілавых структур.
Напярэдадні арцыбіскуп Тадэвуш Кандрусевіч у інтэрв'ю польскаму тэлеканалу выказаў сваё меркаванне аб тым, што беларускі народ «дарос да таго, каб адстойваць свае правы, і гэта ўжо іншае пакаленне, чым 26 гадоў таму». Паводле Мітрапаліта, «ёсць падставы меркаваць, што выбары праходзілі несумленна», і Каталіцкая царква ў Беларусі хоча мірнага вырашэння.
Іерарх папярэдзіў, што «грамадства сёння падзялілася, і гэта - вельмі вялікая небяспека».
Related items
- «Бог даў нам адсутнасць паветранай трывогі». Пра Дзень дзіцяці ў Жытоміры распавёў біскуп
- І ў горадзе, і ў вёсцы: фестываль арганнай музыкі пройдзе ў касцёлах Беларусі
- Такі падарунак – толькі ад байкераў. Мотасезон яны адкрылі ў касцёле
- Пад'ём у 3:30, маўчанне і ніякіх гаджэтаў. Адзіны ў свеце беларус камельдул наведаў родны горад
- Ці ўступаць у піянеры, спыталі ў вернікаў – частка адказаў здзівіла