Відэа: бяздомных прышчапілі ад каронавіруса ў Ватыкане
- Written by KATOLIK.LIFE
- Published in Царква
- Add new comment
Святы Пасад замовіў каля 10 тыс. доз вакцыны
20 студзеня 2021 г. раніцай у Ватыкане 25 рымскіх бяздомных атрымалі першую дозу вакцыны супраць COVID-19, - паведаміў кіраўнік Залы Друку Апостальскай Сталіцы Матэа Бруні.
Вакцынацыя супраць COVID-19 праходзіць у ватыканскай Зале Паўла VI і каардынуецца Упраўленнем аховы здароўя і гігіены. Бяздомныя, якія прайшлі першую фазу вакцынацыі, карыстаюцца дапамогай і жыллём, прапанаванымі Апостальскай элемазінарыяй, якую ўзначальвае кардынал Конрад Краеўскі.
Як паведаміў Бруні, у бліжэйшыя дні будзе прышчэплена яшчэ адна група бяздомных. Адначасова ў Ватыкане працягваецца вакцынацыя работнікаў, якія раней заявілі аб гатоўнасці скарыстацца гэтай магчымасцю.
Ватыкан замовіў каля 10 тыс. доз вакцыны ў нямецкага вытворцы Biontech і яго партнёра з ЗША Pfizer. Гэтай колькасці павінна хапіць для супрацоўнікаў Апостальскай Сталіцы і застрахаваных у Ватыкане асоб і пенсіянераў.
Media
Related items
- У Беларусі прызнаны гісторыка-культурнай каштоўнасцю каталіцкі абрад «Тры каралі»
- Дыскатэкай на ўсю вуліцу адзначаюць на Гродзеншчыне... Першую Камунію ў дзяцей
- У Беларусі праходзяць святы Першай Камуніі – як гэта было ў сельскіх храмах
- Як у вёсках праходзяць Маёвыя набажэнствы, паказалі на Гродзеншчыне
- «Сезон пілігрымак» адкрыла паломніцтва з Пінска ў Лагішын