Здзейснены напад на касцёл у Магілёве: невядомыя разбілі вокны
- Written by KATOLIK.LIFE
- Published in Царква
- Add new comment
Парафія звярнулася з заявай у міліцыю, пра зламыснікаў пакуль нічога не вядома
У ноч з 19 на 20 студзеня ў Магілёве здзейснены напад на каталіцкі храм Унебаўзяцця Найсвяцейшай Панны Марыі і святога Станіслава. Невядомыя разбілі шыбы ў вокнах будынку катэдральнага касцёла – адной з найбольш гістарычна важных каталіцкіх святынь у Беларусі.
Як паведамляе Catholic.by, пашкоджаныя вокны прэзбітэрыя, таксама разбітыя наскрозь шыбы капліцы Маці Божай Бялыніцкай і святога Антонія Падуанскага, у тым ліку пашкоджаныя вокны памяшканняў, дзе адбываюцца сустрэчы груп вернікаў. Таксама разбітыя вокны падвальных памяшканняў пад капліцай Маці Божай Бялыніцкай. Адзначаецца, што парафія звярнулася з заявай у міліцыю для расследвання акту вандалізму і прыцягнення да адказнасці зламыснікаў.
Нагадаем, раней неафіцыйна паведамлялася, што перад пажарам у Чырвоным касцёле ў Мінску, пасля якога храм закрылі, невядомыя таксама разбілі вокны. Аб ходзе расследвання пакуль нічога не вядома.
Media
Related items
-
Забарона абортаў у прыватных медцэнтрах у Беларусі выклікала рэзананс. Што могуць адказаць хрысціяне?
-
Тры народы – Польшчы, Беларусі і Украіны – аб'яднала незвычайная кампазіцыя ў цэнтры Варшавы
-
«Я не каталічка, але прыходжу ў касцёл». Цікавая дыскусія ўзнікла сярод эмігрантаў
-
Ля касцёла ў цэнтры Мінска працягваецца будоўля. Ці аддалі парафіі знойдзеныя парэшткі?
-
«Каб ніхто не меў права паглядзець?» Экс-пробашч Чырвонага касцёла выступіў са зваротам