Біскуп у Кіеве ўзначаліў Імшу па загінуламу беларускаму добраахвотніку
- Written by KATOLIK.LIFE
- Published in Царква
- Add new comment
Саслужыў біскупу святар, які родам з Гомеля і быў парафіянам мясцовага касцёла.
Пахавальная святая Імша за беларуса Эдуарда Лобава прайшла 4 лютага ў катэдральным саборы святога Аляксандра ў Кіеве. Біскуп Кіева-Жытомірскі Віталій Крывіцкі цэлебраваў Эўхарыстыю ў галоўным касцёле украінскай сталіцы, дзе была выстаўлена труна з беларускім добраахвотнікам, які загінуў 26 студзеня ў баях ля Вуглядару – ён служыў у складзе украінскага войска і дапамагаў абараняць тэрытарыяльную цэласнасць Украіны ад расійскай вайсковай агрэсіі. 34-гадовы беларус быў смяротна паранены ў баі.
На сваёй старонцы ў Фэйсбуку біскуп Віталій Крывіцкі нагадаў словы Хрыста з Евангелля паводле Яна «Ніхто не мае большай любові за тую, калі хто жыццё сваё аддае за сяброў сваіх» і пракаментаваў:
«Няхай Бог Міласэрны прыме ў рай усіх, хто аддаў сваё жыццё за сяброў, а нам самім хай дасць сілы выконваць Запаведзі Любові кожны дзень».
Біскупу саслужыў беларускі святар Мікалай Ермакоў, які паходзіць з Гомеля. Ён быў мясцовым парафіянінам і ўжо ў пенсійным узросце паступіў у кіеўскую семінарыю. Пасля пасвячэння ксёндз Мікалай застаўся служыць у Кіева-Жытомірскай дыяцэзіі.
Пахаваюць Эдуарда Лобава ў Варшаве, дзе цяпер жыве ягоная маці.
Аўтар фота: Алесь Мінаў
Related items
- Тым, хто не можа на Радуніцу памянуць блізкіх у храме, прапануюць гэта зрабіць дыстанцыйна і бясплатна
- У Беларусі праходзяць святы Першай Камуніі – як гэта было ў сельскіх храмах
- «Не сказалі нават біскупу». Даведаліся, на які тэрмін асудзілі святароў у Віцебску
- «Зробім каталіцкае ТБ». Два моцныя YouTube-праекты запусцілі святары і манахіня
- Названа «лепшае фота» з палярным ззяннем – над прыдарожным крыжам