Змяніў байк на ровар і ставіць рэкорды: ксёндз у адзіночку адправіўся ў Будслаў
- Written by KATOLIK.LIFE
- Published in Царква
- Add new comment
У першы дзень святар пераадолеў адлегласць у 177 кіламетраў.
Вікарый каталіцкай парафіі Святога Юзафа ў Брэсце ксёндз Юрый Медушэўскі едзе ў Будслаў на ровары. У той час, калі з розных куткоў Беларусі ідуць пешыя пілігрымкі да абраза Маці Божай Будслаўскай на фэст, які пройдзе 5-6 ліпеня, святар зладзіў асаблівую, індывідуальную пілігрымку.
Як паведамлялася ў сторыс на старонцы Будслаўскага санктуарыя, у першы дзень ксёндз Юрый пераадолеў адлегласць у 177 кіламетраў і зрабіў шлях з Брэста да Слоніма. Гэта досыць шмат нават для прафесійных веласіпедыстаў. Лічыцца, што для аматараў нармальнай з'яўляецца адлегласць да 70 кіламетраў у суткі. Таму святар паставіў своеасаблівы рэкорд.
Усяго пробашчу трэба пераадолець звыш 450 кіламетраў да Будслава. Цікава, што ксяндза Юрыя ведаюць як байкера — у 2020 годзе, падчас пандэміі, разам з іншымі святарамі-матацыклістамі ён удзельнічаў у пілігрымцы ў Будслаў на байках.
Наш канал в Telegram – только интересное и важное. Подписаться >
Media
Related items
-
«Уся каталіцкая Беларусь моліцца». Як адрозніваецца афіцыйнае і неафіцыйнае жыццё Касцёла
-
Нунцыю і біскупу не дазволілі сустрэцца са зняволенымі святарамі
-
Упершыню новы пробашч у Будславе звярнуўся да вернікаў
-
У Будславе і Барысаве прадставілі новых пробашчаў
-
«Спынілася сэрца, знайшлі ля касцёла». Малады ксёндз раптоўна памёр у Гродзенскай вобласці