Упершыню за доўгі час біскуп з Беларусі наведае супольнасць суайчыннікаў у Вільні
- Written by KATOLIK.LIFE
- Published in Царква
- Add new comment
У беларускай парафіі ў сталіцы Літвы адбудзецца сакрамэнт канфірмацыі.
У касцёле святога Барталамея ў Вільні, дзе месціцца супольнасць беларускіх католікаў і адбываюцца святыя Імшы па-беларуску, 8 чэрвеня адбудзецца сакрамэнт канфірмацыі. На свята чакаюць біскупа.
Парафія пакуль не паведамляла, які канкрэтна іерарх наведае супольнасць, каб удзяліць сакрамэнт канфірмацыі. Аднак мы заўважылі, што прыезд у Вільню ў гэтую дату пазначаны ў раскладзе біскупа Андрэя Зноскі, Генеральнага вікарыя Пінскай дыяцэзіі. Нагадаем, гэта самы малады іерарх Беларусі, які прыняў біскупскае пасвячэнне меней за год таму.
У апошні раз біскуп з Беларусі наведваў каталіцкую супольнасць суайчыннікаў у Вільні ў снежні 2023 года – гэта быў біскуп Віцебскі Алег Буткевіч, на той час – старшыня біскупскай канферэнцыі.
Яшчэ адну буйную супольнасць беларускіх вернікаў за мяжой – у Варшаве – біскуп з Беларусі наведваў у лістападзе 2024 года. Візіт у душпастырства тады здзейсніў біскуп эмэрыт Казімір Велікаселец.
Наш канал в Telegram – только интересное и важное. Подписаться >
Related items
-
«Сустрэліся два энерджайзеры». Незвычайную пару абвянчаў біскуп
-
Стаў вядомы загадкавы «Асаблівы госць» Юбілею моладзі ў Брэсце
-
Рэдкі выпадак: дэлегацыя дзяржслужачых разам з біскупамі і праваслаўным святаром наведалі касцёл
-
Каталіцкіх святароў няма сярод вызваленых беларускіх вязняў
-
Папулярны праваслаўны манах з Гомеля раскрытыкаваў Ватыкан і моцна памыліўся