У Ватыкане пачаўся канклаў - выбары Папы Рымскага [ОНЛАЙН трансляцыя]
- Written by gomel.catholic.by
- Published in Навіны - Гомель
- Add new comment
З адмысловай трубы Сікстынскай капэлы пойдзе белы або чорны дым, якім паведамяць, ці абраны новы Пантыфік.
12 сакавіка ў 16.30 па рымскім часе (у 18.30 - па беларускім) у Ватыкане пачаўся канклаў - галоўная падзея года, якой чакалі мільёны людзей ва ўсім свеце. 115 кардыналаў зачыніліся ў Сікстынскай капэле, каб выбраць новага Папу Рымскага.
Аб выніках канклава свет можа даведацца ўжо сёння. З адмысловай трубы капэлы пойдзе белы або чорны дым, які паведамяць, абраны Пантыфік ці не. Калі да 21.00 па беларускім часе дым не пойдзе, гэта будзе азначаць, што галасаванне адкладзена. Для абрання Папы патрэбна, каб кандыдат набраў як мінімум 77 галасоў. Пакуль гэтага не адбудзецца, галасаванні будуць паўтарацца.
Усе апошнія канклавы доўжыліся нядоўга - ад двух па пяці дзён. На час выбараў кардыналам забаронена чытаць прэсу, гутарыць па тэлефоне і размаўляць са староннімі.
Большасць кардыналаў-выбаршчыкаў - еўрапейцы. Аднак не выключана, што Папам могуць абраць і прадстаўніка іншай расы.
У мінскім архікафедральным саборы вечарам 12 сакавіка пройдзе святая Імша ў інтэнцыі выбару Папы. А гомельскія каталікі збяруцца ў гэты вечар у храме на агульную малітву.
Related items
- Кветкі, ровары, жанчыны: замалёўка з Імшы ля прыдарожнага крыжа
- Як усміхаецца найстарэйшы іерарх Беларусі? Неафіцыйны рэпартаж з Янава
- Правілы прызнання цудоўных з'яў змянілі ў Ватыкане
- У Беларусі прызнаны гісторыка-культурнай каштоўнасцю каталіцкі абрад «Тры каралі»
- Дыскатэкай на ўсю вуліцу адзначаюць на Гродзеншчыне... Першую Камунію ў дзяцей