Святар, які прыняў пасвячэнне, адслужыў сваю першую Імшу ў Гомелі

Чэрвень 16, 2013
Written by gomel.catholic.by
Published in Навіны - Гомель
Add new comment

Ён прыязджаў у гомельскі касцёл яшчэ семінарыстам падчас практыкі і нават дапамагаў італьянскім мастакам распісваць ў храме алтарны абраз.

15 чэрвеня ў гомельскай рыма-каталіцкай парафіі Нараджэння Божай Маці правёў Святую Імшу святар Варшаўскай дыяцэзіі айцец Яцэк Грабоўскі. Ён прыязджаў у гомельскі касцёл яшчэ семінарыстам падчас практыкі і нават дапамагаў італьянскім мастакам распісваць у храме алтарны абраз. І пасля свайго пасвячэння захацеў правесці прыміцыйную Імшу менавіта ў Гомелі.

- Я вельмі рады, што сёння магу быць разам з вамі. У маім сэрцы вялікая падзяка Богу і людзям - я хачу яе выказаць. І больш за ўсё для гэтага падыходзіць Эўхарыстыя. Прашу маліцца за мяне. Калі Бог дасць, цалкам магчыма, што я магу адправіцца служыць у ваш горад, - звярнуўся да вернікаў айцец Яцэк.

Таксама святар удзяліў прыміцыйнае дабраславенне вернікам, усклаўшы на кожнага рукі.

Last modified onНядзеля, 16 Чэрвень 2013 10:58

Tagged under

Related items