На парафіяльным свяце гомельскага касцёла біскуп асвяціў алтарны абраз (ФОТА, ВІДЭА)
- Written by gomel.catholic.by
- Published in Навіны - Гомель
- Add new comment
8 верасня - у Дзень нараджэння Панны Марыі - гомельская рыма-каталіцкая парафія адзначыла сваё свята. Урачыстае Набажэнства ўзначаліў дапаможны біскуп Пінскай дыяцэзіі Казімір Велікаселец. Таксама на свята прыехалі святары з суседніх парафій.
- Хрыстос, ужо паміраючы, аддае ўсё чалавецтва пад заступніцтва Божай Маці: Марыя, вось сын твой! Мы ўсе - яе дзеці. І сёння мы прыйшлі павіншаваць нашу Маці з нараджэннем і прасіць, каб яна сваім заступніцтвам берагла нас ад зла. Хвала Богу, што ў Гомель прыйшоў Хрыстос. Прымаць Яго - гэта значна большае, чым прымаць міністраў і прэзідэнтаў. І сам Хрыстос прымае абсалютна ўсіх: ад каралёў да людзей самога ніжэйшага саслоўя. Мы вельмі доўга жылі ў атэізме, не маліліся, таму наша грамадства дэградавала. Разводаў больш, чым шлюбаў, аборты, алкагалізм, наркаманія... Але жыццё з Богам нас ахоўвае ад усіх дэманічных сіл. Таму, браты і сёстры, кожны дзень пачынаем і канчаем малітвай, кожную нядзелю ўдзельнічаем у святой Імшы, прымаючы Камунію, і хоць бы раз у месяц спавядаемся, - даў пастырскае пажаданне біскуп.
Завяршылася ўрачыстасць асвячэннем алтарнай іконы-фрэскі, напісанай італьянскімі мастакамі, і Хросным ходам. Але ўвечары касцёл ізноў запоўнілі вернікі: у гэты дзень адзначаў 25-годдзе свайго пасвячэння пробашч, дэкан Гомельскага дэканата, ксёндз Славамір Ласкоўскі. Аб гэтым свяце мы распавядзем крыху пазней.
Таксама з'явіцца інфармацыя і яшчэ аб адным святочным мерапрыемстве. Краязнаўца Уладзімір Васькоў правёў у гомельскім касцёле прэзентацыю сваёй новай кнігі «Каталікі на абшарах Панізоўя і Севершчыны». Сачыце за абнаўленнямі сайта!
Media
Related items
- Фэст у лясной капліцы з незвычайнай гісторыяй святкавалі капуцыны і пілігрымы
- Праваслаўная Велікодная служба па-беларуску з анлайн-трансляцыяй пройдзе ў Вільні
- Пацалунак пад абразом і цягнік з адным вагонам – чым дзеліцца парафія ў глыбінцы
- «У парафіі 15-20 асоб». Мітрапаліт абвясціў акцыю па падтрымцы Касцёла на Магілёўшчыне
- Фотафакт: як асвячалі велікодныя стравы ў вёсках на Гродзеншчыне