На цэнтральнай плошчы Гомеля правялі маштабную акцыю супраць абортаў - ФОТА
- Written by katolik-gomel.by
- Published in Навіны - Гомель
- Comments (1)
Правесці аўтапрабег актывістам не дазволіла ДАІ, затое мінакам раздалі больш за 2 тысячы буклетаў.
31 траўня, напярэдадні Міжнароднага дня абароны дзяцей, у Гомелі прайшла традыцыйная акцыя ў абарону жыцця, якую арганізавала грамадскае дабрачыннае аб'яднанне «Выратаванне немаўлятаў». Арганізацыя аб'ядноўвае хрысціянаў розных канфесій, лекараў-гінеколагаў і прадстаўнікоў многіх прафесій.
Па ўзгадненні з гарадскімі ўладамі некалькі актывістаў каля двух гадзін стаялі cf сцягамі на цэнтральнай плошчы Леніна, а ля ўваходу ў парк іншыя ўдзельнікі акцыі раздавалі мінакам буклеты з інфармацыяй пра аборты і іх наступствы. Як раз у гэты дзень у школах праходзіў «Апошні званок» (глядзіце ФОТА), і сотні выпускнікоў па дарозе ў парк сустрэліся з актывістамі і атрымалі буклеты.
У мінулыя гады «Выратаванне немаўлятаў» праводзіла ў Гомелі аўтапрабег у абарону жыцця. Але ў гэтым годзе праехаць са сцягамі па горадзе актывістам не дазволіла Упраўленне ДАІ.
Related items
-
«Дзе няма справядлівасці, няма дзяржавы». Папа Рымскі – пра важныя аспекты жыцця грамадства
-
«Хваліцца не новымі ракетамі і танкамі, а тым...» Беларускі біскуп распавёў пра сваю мару
-
На новы навучальны год благаславілі ў касцёлах Беларусі – топ-9 фота і відэа
-
У Мінску пачалі будоўлю на месцы старых каталіцкіх могілак. У парафіі моляцца аб захаванні астанкаў незвычайнай малітвай
-
На рэканструкцыі Чырвонага касцёла ў Мінску працуюць мусульмане – іх здзівіла ўзніклая сітуацыя, і вось якая