Папа Рымскі зноў заявіў пра трэцюю сусветную вайну і адзначыў рызыку ядзернай эскалацыі
- Written by KATOLIK.LIFE
- Published in Папа Францішак
- Add new comment
Францішак сабраў у Ватыкане сваіх дыпламатычных прадстаўнікоў з розных частак свету, у тым ліку з Беларусі
У свята Нараджэння Найсвяцейшай Панны Марыі, 8 верасня, Папа Рымскі Францішак прыняў на аўдыенцыі нунцыяў - дыпламатаў Святога Пасаду, якія прыбылі ў Ватыкан з розных частак свету, у тым ліку з Беларусі.
«Еўропа і ўвесь свет, на жаль, узрушаны вайной асаблівай цяжкасці, як з-за парушэння міжнароднага права, так і з-за рызыкі ядзернай эскалацыі, а таксама з-за сур’ёзных эканамічных і сацыяльных наступстваў. Гэта “фрагментарная” трэцяя сусветная вайна, сведкамі якой вы з’яўляецеся на месцах, дзе выконваеце вашу місію», - адзначыў Пантыфік у прывітальным слове, якое цытуе vaticannews.va/be.
Візіт нунцыяў адбываецца з 7 па 10 верасня 2022 года. Раней паведамлялася аб сустрэчы ў Ватыкане Папы Францішка з арцыбіскупам Антэ Ёзічам, Апостальскім нунцыем у Беларусі. Аб змесце размовы падчас аўдыенцыі, якая прайшла 1 верасня, пакуль нічога не вядома.
Related items
- Ці ўступаць у піянеры, спыталі ў вернікаў – частка адказаў здзівіла
- У Ізраілі католікі з Беларусі спакойна перажылі атаку Ірана, але «вайна дастала»
- Папа Рымскі прыняў у Ватыкане шамана – той папрасіў аб дапамозе
- Паранены святар, пасадка бульбы: як жывуць пры абстрэлах вернікі Харкава і рэгіёну
- Новага біскупа ў Беларусі прызначыў Папа Рымскі на незвычайную пасаду