Папа сустрэўся з прадстаўніком РПЦ у Ватыкане
- Written by katolik-gomel.by
- Published in Папа Рымскі
- Add new comment
Мітрапаліт Іларыён выступіў на Сінодзе біскупаў аб сям'і.
21 кастрычніка 2015 г. у ватыканскім Доме св. Марты папа Францішак сустрэўся з кіраўніком Аддзела знешніх царкоўных сувязяў Маскоўскага Патрыярхату Мітрапалітам Валакаламскім Іларыёнам.
На пачатку сустрэчы Святы Айцец падзякаваў прадстаўніку Рускай Праваслаўнай Царквы за яго выступленне падчас Сіноду Біскупаў на тэму сям’і і скіраваў найлепшыя пажаданні Патрыярху Маскоўскаму і ўсяе Русі Кірылу. Падчас размовы былі закрануты тэмы, якія стаяць на павестцы двухбаковых адносін паміж Маскоўскім Патрыярхатам і Каталіцкім Касцёлам. Гаворка ішла таксама пра сітуацыю хрысціян на Блізкім Усходзе.
На заканчэнне спаткання бакі абмяняліся памятнымі падарункамі, гаворыцца ў спецыяльным паведамленні Аддзела знешніх царкоўных сувязяў Маскоўскага Патрыярхату.
У той жа дзень Мітрапаліт Іларыён сустрэўся таксама са старшынёй Папскай рады спрыяння хрысціянскаму адзінству кардыналам Куртам Кохам.
Related items
-
Папа Рымскі з лякарні патэлефанаваў Пуціну – каб выратаваць дзве тысячы чалавек
-
Цуды – кожны дзень. У Будславе распавядаюць, як і каму дапамагла Божая Маці
-
Стаў вядомы кошт удзелу для католікаў Беларусі ў Сусветных днях моладзі ў Сеуле
-
Спрэчных канцэртаў у касцёле ў Брэсце больш не будзе? Так вырашылі ўлады, але не касцёльныя
-
Толькі мужчыны. У Беларусі зацвердзілі, хто можа служыць пры алтары ў касцёлах