Ёга супярэчыць хрысціянству - тлумачаць біскупы Індыі
- Written by Katolik.life
- Published in Соцыум
- Add new comment
Пэўныя жэсты і практыкаванні могуць быць элементамі ідалапаклонства.
Індыйскія каталіцкія біскупы сіра-малабарскага абраду асцерагаюць: ёга супярэчыць хрысціянскай веры. Гэтай актуальнай тэме яны нядаўна прысвяцілі спецыяльны дакумент, пра што паведамляе Ватыканскае агенцтва навінаў Vatican News.
У многіх індыйскіх школах заняткі ёгай з’яўляюцца абавязковымі для ўсіх вучняў, незалежна ад іх рэлігійнай прыналежнасці. Іх нярэдка прымушаюць спяваць індуісцкія гімны і прагаворваць сакральныя мантры.
Індыйскія біскупы падкрэсліваюць, што, хоць гэтая практыка ўзнікла са свецкіх традыцый, яна распаўсюдзілася пад уплывам індуізму і дзейнасці брамінаў.
Іерархі папярэджваюць аб небяспецы таго, што пэўныя жэсты і практыкаванні самі па сабе могуць быць элементамі ідалапаклонніцтва і што адчуванні, якія ўзнікаюць пад уздзеяннем ёгі, можна лёгка зблытаць з дзеяннем Святога Духа.
У дакуменце таксама звернута ўвага на палітычнае значэнне, якое ёга набыла ў Індыі. Індуісцкія фундаменталісты выкарыстоўваюць гэтую практыку ў мэтах правядзення ідэалагічнай экспансіі, каб умацаваць свой рэлігійны і палітычны ўплыў.
Related items
- «Што мы шукаем?» Святар адказаў католікам, якім адмоўлена ў змене абраду
- Ватыкан адмовіў расійскім католікам у пераходзе ў заходні абрад
- Інфаркт і паспяховую аперацыю перанёс арцыбіскуп Тадэвуш Кандрусевіч
- У Газе і не толькі: вулічныя Імшы пры крыжах праводзяць у рэгіёнах Беларусі
- «Умацаванне стабільнасці і адзінства». Дзяржорганы назвалі свае задачы ў рабоце з Царквой