У школе ў Гродзенскай вобласці «ўрок» да Дня роднай мовы правёў ксёндз
- Written by KATOLIK.LIFE
- Published in Соцыум
- Add new comment
Святар сказаў школьнікам, што беларуская мова – гэта не толькі гук і літара, але і шлях да Бога.
У Варнянскай сярэдняй школе 21 лютага, у Міжнародны дзень роднай мовы, было багата мерапрыемстваў – суботні школьны дзень стаў насычаным для вучняў усіх класаў, ад малодшых да старэйшых.
У адной з сустрэч прыняў удзел пробашч каталіцкай парафіі ў Варнянах ксёндз Віктар Захарэўскі. Яго запрасілі стаць госцем моўнага квэсту «Ключы ад сэрца мовы» для вучняў 10-11 класаў.
Святар сказаў школьнікам, што беларуская мова – гэта не толькі гук і літара, але і шлях да Бога, калі вымаўляць яе з любоўю. Што адно кароткае «трымайся», сказанае па-беларуску, можа стаць сапраўднай малітвай за таго, хто побач. Што слова, народжанае ў сэрцы, здольнае суцешыць мацней, чым доўгія прамовы.
«Няхай вашы словы заўжды нясуць святло», – пажадаў святар. Калі слова асвечана любоўю, яно становіцца святлом, якое вядзе, лечыць і аб’ядноўвае, адзначылі ў парафіі.
Фота – з Instagram варнянскай школы і парафіі.
Media
Related items
-
Выпускнікі прыйшлі ў касцёлы, каб падзякаваць Богу і папрасіць дабраславення
-
«Вялікая бяда». Яшчэ 5 каталіцкіх святароў вымушаны пакінуць Беларусь – з'явілася рэакцыя вернікаў
-
Беларусь пакінуў польскі святар пасля 30 гадоў служэння на Віцебшчыне
-
140 супраць 8. Болей за ўсіх католікаў працягвае «нараджаць» Гродзенская вобласць
-
Год ціхай барацьбы. Як пачуваецца Тадэвуш Кандрусевіч, які ўжо больш за год праходзіць хіміятэрапію