Вандалы апаганілі ўваход у габрэйскі цэнтр у Гомелі
- Written by katolik-gomel.by
- Published in Царква
- Add new comment
На думку эксперта, гаворка ідзе аб звычайным хуліганстве.
Свастыка, фашысцкі шыфр і надпіс «халакост» з'явіліся на веснічках габрэйскага цэнтра ў Гомелі. У будынку размяшчаецца малельны дом і грамадская габрэйская арганізацыя. Прадстаўнікі іудзейскай абшчыны ўжо звярнуліся з гэтай нагоды ў міліцыю, якая праводзіць праверку. Надпісы часткова ўжо зацерлі.
Выкладчык рэлігіязнаўства, дацэнт Гомельскага дзяржуніверсітэта імя Скарыны Віктар Адзіночанка пракаментаваў інцыдэнт. Ён не думае, што гаворка ідзе пра антысеміцкі рух:
- Гэта звычайныя хуліганы. Мне, як жыхару Гомеля і беларусу вельмі непрыемна, што такое адбылося ў нас. Але, на жаль, ідыёты ёсць усюды. Інакш я іх назваць магу. Маляваць свастыку - гэта праява канчатковай дэградацыі. Спадзяюся, што «героі» - проста маладыя дурні.
Ён адзначыў, што дыскрымінацыі габрэяў у Гомелі няма. Дарэчы, па апошніх дадзеных, у абласным цэнтры пражывае каля 2 тысяч габрэяў.
Related items
- «Не сказалі нават біскупу». Даведаліся, на які тэрмін асудзілі святароў у Віцебску
- Песня з хрысціянскімі матывамі ад Украіны заняла трэцяе месца на Еўрабачанні
- «Зробім каталіцкае ТБ». Два моцныя YouTube-праекты запусцілі святары і манахіня
- Названа «лепшае фота» з палярным ззяннем – над прыдарожным крыжам
- Над дамамі і храмамі: здымкамі яркага палярнага ззяння дзеляцца ў сетках