Дзе і як адзначыць Дзень святога Валянціна? У адзіным у Беларусі касцёле ў ягоны гонар

Адпуст святога Валянціна адбудзецца ў нядзелю 16 лютага ў Смалявічах Мінскай вобласці. Тут знаходзіцца адзіны ў Беларусі касцёл, які мае тытул Святога Валянціна і штогод збірае мясцовых вернікаў і гасцей, якія жадаюць па-хрысціянску адзначыць «дзень закаханых».

Свята перанеслі з 14 лютага на выходны, каб больш вернікаў змаглі паўдзельнічаць у адпусце.

У гэты дзень цэлебрацыю ўрачыстай святой Імшы аб 11-й гадзіне ўзначаліць дапаможны біскуп Пінскай дыяцэзіі Андрэй Зноска. Як гаворыцца ў аб'явах парафіі, падчас Імшы вернікі будуць маліцца ў інтэнцыях да святога Валянціна, якія цяпер збіраюць на спецыяльных картках.

Затым дзеці пакажуць сцэнку, а пасля адбудзецца святочны абед – удзельнікаў адпусту просяць прыносіць з сабой стравы, каб частаваць адзін аднаго.

Нагадаем, святы Валянцін – гэта біскуп і пакутнік, адпачатку папулярнае ў народзе свята не мае ніякіх «антымаральных» рысаў, насуперак распаўсюджаным памылкам.

Наш канал в Telegram – только интересное и важное. Подписаться >