Гомельскі касцёл адзначыў сваё парафіяльнае свята малітвай і пірам [фота]

Верасень 8, 2013
Written by katolik-gomel.by
Published in Навіны - Гомель
Comments (4)

Часціцы мошчаў святога Антонія Падуанскага, якія прывезлі да свята, будуць пастаянна знаходзіцца ў храме.

8 верасня каталікі адзначаюць Нараджэнне Божай Маці, у гонар гэтай падзеі названы гомельскі касцёл. Таму штогод гэты дзень мясцовыя каталікі праводзяць асабліва ўрачыста.

Падчас святочнай Імшы дэкан Гомельскага дэканата, светлагорскі пробашч айцец Тадэвуш Саморэк сказаў:

- Найсвяцейшая Марыя - гэта Тая, Хто рыхтуе для нас пір, і рыхтуе так, каб ніхто не застаўся галодным.

Гомельскі пробашч айцец Славамір Ласкоўскі дадаў:

- У Панны Марыі трэба вучыцца слухаць Слова Бога, так як Яна гэта рабіла.

Таксама пробашч заклікаў шлюбныя пары браць прыклад у Марыі з Язэпам у выхадзе з сямейных крызісаў:

- Калі ёсць праблемы, уступайце ў дыялог з Богам, як гэта рабіла Святое Сямейства.

Пасля Вячэрніх хвалаў вернікі зладзілі ў панадворку касцёла парафіяльную «агапу» - так са старажытнасці называюць агульную трапезу хрысціян першых стагоддзяў. На пір пробашч запрасіў усіх парафіянаў.

Last modified onНядзеля, 08 Верасень 2013 00:07

Tagged under

Related items