Біскуп Антоні гомельскім каталікам: больш гаварыце аб веры са сваім блізкімі
- Written by gomel.catholic.by
- Published in Навіны - Гомель
- Add new comment
14 кастрычніка гомельскую рыма-каталіцкую парафію зноў нечакана наведаў біскуп Пінскай дыяцэзіі Антоні Дзям'янка.
- Браты і сёстры, я вельмі рады, што магу быць з вамі ў гэтую нядзелю! Так атрымалася, што ўчора быў у Віцебскай дыяцэзіі, сустракаўся са святарамі і прадстаўляў рэлігійную сітуацыю каталікоў на Гомельшчыне. І сёння з вамі вырашыў памаліцца, і мне вельмі прыемна, што магу маліцца з людзьмі рознага ўзросту: ёсць старэйшае пакаленне, якое захавала веру, ёсць сярэдняе пакаленне, моладзь і дзеці.
Біскуп адзначыў, што яго прыезд не выпадковы. На гэтым тыдні Касцёл ўрачыста пачаў Год веры, і гомельскі храм таксама прызначаны святыняй, дзе можна будзе атрымаць адпуст (альбо індульгенцыю).
Біскуп афіцыйна заявіў і аб тым, што неўзабаве на місію ў Гомель (другі па колькасці насельніцтва горад у Беларусі) прыбудзе дапаможны біскуп Казімір Велікаселец, які будзе адказваць за каардынацыю душпастырства ў Гомельскай вобласці.
Падчас гаміліі біскуп Антоні даў настаўленне на Год веры, які нядаўна пачаўся ў Рыма-каталіцкім Касцёле па ініцыятыве Папы Бэнэдыкта XVI:
- Вы практыкуючыя каталікі, часта моліцеся і бываеце ў храме, але многія з вас мала гавораць аб веры са сваімі блізкімі, сябрамі, суседзямі, калегамі. Быць можа, хтосьці чакае ад вас Добрую вестку. Але каб гаварыць пра веру, аргументавана спрачацца і не дапускаць тэалагічных памылак, вам трэба самім паглыбляць сваю веру. Таму тры кнігі ў гэтым годзе павінны стаць для вас асноўнымі: дакументы Другога Ватыканскага сабора, Катэхізіс Каталіцкага Касцёла і, вядома ж, Біблія.
Related items
- Напярэдадні Вялікадня праваслаўны архіепіскап наведаў каталіцкі цэнтр у Гомелі
- «Бог даў нам адсутнасць паветранай трывогі». Пра Дзень дзіцяці ў Жытоміры распавёў біскуп
- І ў горадзе, і ў вёсцы: фестываль арганнай музыкі пройдзе ў касцёлах Беларусі
- Такі падарунак – толькі ад байкераў. Мотасезон яны адкрылі ў касцёле
- Беларусы даказваюць у судах «польскія карані» – з дапамогай веры