З-за засухі ў Рыме ў Ватыкане адключылі фантаны
- Written by katolik.life
- Published in Царква
- Add new comment
У сталіцы Італіі робяць усё магчымае для забеспячэння вадой грамадзян.
Засуха, якая закранула Рым і навакольныя з ім тэрыторыі, падштурхнула ўлады Ватыкана прыняць меры па эканоміі вады. На днях Губернатарат пастанавіў адключыць усе фантаны як на плошчы св. Пятра, так і на ўнутраных тэрыторыях горада-дзяржавы, у тым ліку ў Ватыканскіх садах.
Такое рашэнне дэманструе імкненне адпавядаць вучэнню папы Францішка, які ў энцыкліцы “Laudato si’” нагадаў, што звычка празмерна расходаваць і марнаваць дасягнула “нечуваных памераў”, у той час як “чыстая пітная вада з’яўляецца пытаннем першараднага значэння, бо яна неабходная для жыцця чалавека і для падтрымання зямным і водных экасістэм”, гаворыцца ў спецыяльнай ватыканскай заяве.
Раней стала вядома аб рашэнні ўладаў італьянскай сталіцы ўвесці з 28 ліпеня 2017 г. часовую забарону на забор вады з возера Брачана, што за 30 км на поўнач ад Рыма. Штодня з гэтага возера кампанія “Acea”, якая займаецца водазабеспячэннем Рыма, бярэ 86 тыс. кубаметраў вады. У апошні ж час назіраецца рэзкае абмяленне возера.
Мэр Рыма Вірджынія Раджы заклікала ўлады рэгіёна і кіраўніцтва “Acea” “зрабіць усё магчымае для забеспячэння вадой грамадзян, а таксама бальніцы, пажарныя службы, гандлёвыя прадпрыемствы” горада.
Спецыялісты адзначаюць, што чэрвень 2017 г. стаў для Італіі самым спякотным за 200-гадовую гісторыю метэаназіранняў. У ліпені тэмпература ў многіх цэнтральных і паўднёвых рэгіёнах краіны падабралася вельмі блізка да гістарычных максімумаў, што прывяло да моцных лясных пажараў і рэзкага абмялення шэрагу вадаёмаў.
Related items
- Правілы прызнання цудоўных з'яў змянілі ў Ватыкане
- Старадаўняя капліца згарэла на могілках у Смаргоні
- «Не сказалі нават біскупу». Даведаліся, на які тэрмін асудзілі святароў у Віцебску
- Песня з хрысціянскімі матывамі ад Украіны заняла трэцяе месца на Еўрабачанні
- «Зробім каталіцкае ТБ». Два моцныя YouTube-праекты запусцілі святары і манахіня