Наш трэнд – маўчанне. Некалькі думак пра новую рэальнасць
- Written by KATOLIK.LIFE
- Published in Хрысціянскае меркаванне
- Add new comment
Упершыню сёлета мы не ўбачылі традыцыйнага паведамлення пра малітву каталіцкіх іерархаў у Курапатах. Магчыма, гэта не маўчанне, а проста супадзенне. Але яно такое ж сімвалічнае, як і паўночнае ззянне над цёмнымі хатамі, унутры якіх гарыць святло.
Недагаворанасць, намёкі, чытанне паміж радкоў, маўчанне... Так, мы застываем у маўчанні, сціскаем зубы і маўчым, калі сэрца хоча крычаць. Звыкаемся, прыстасоўваемся пад новую рэальнасць, дзе пра важнае не гавораць. Бачым боль, несправядлівасць, няпраўду, але маўчым пра гэта – каб не было яшчэ большага болю...
Сяброўка распавядала, як ездзіла па вёсках, і там ёй казалі: «У нас усё добра. Мы робім сваю справу, толькі не пішы, не кажы пра гэта, маўчы».
Так, многія вялікія справы робяцца ў цішыні, але маўчанне – не раўно цішыня. Прынамсі, не заўсёды. Як у вядомым фільме Марціна Скарсэзэ.
Упершыню сёлета мы не ўбачылі традыцыйнага для 2 лістапада штогадовага паведамлення пра малітву каталіцкіх іерархаў у Курапатах. Магчыма, гэта не маўчанне, а проста супадзенне. Але яно такое ж сімвалічнае, як і паўночнае ззянне над цёмнымі хатамі. Цёмнымі, але ў іх гарыць святло.
Так і мы жывем – толькі ўнутры, а не звонку. Звонку над намі пакуль жыве іншае.
Тыя, хто могуць гаварыць, таксама часта маўчаць – каб не нашкодзіць тым, хто гаварыць не можа.
Не, гэта не асуджэнне. Гэта канстатацыя, фіксацыя, наш летапіс.
Наш канал в Telegram – только интересное и важное. Подписаться >
Дзесьці і калісьці такое ўжо было – многія памятаюць. І чым скончылася – таксама памятаюць. Чым даўжэйшае маўчанне, тым мацнейшы выбух. Бо спачатку было слова, і яно жывое, і яно не можа не нарадзіцца.
Галоўнае фота: facebook.com/vagonych
Related items
- «Пад зямлёй адчула сябе шчаслівай». Беларуска працуе ў шахце і запрашае туды на Імшу
- Мілыя фота з жывёламі ў Баранавічах выклалі манаскія асобы
- Пасля сутак на мяжы кіроўцу не ўпусцілі ў Беларусь з Польшчы. Прычына небанальная
- Адпраўка ў войска ў Беларусі адбываецца з удзелам святароў
- З 7 дзецьмі пасля 25 сутак вядомы прапаведнік пакінуў Беларусь