Актывістка Femen, якая агалілася ў кёльнскім саборы, атрымала штраф у 1200 еўра

Снежань 4, 2014
Written by katolik-gomel.by
Published in Царква
Add new comment

Дзяўчына пратэставала супраць Каталіцкага Касцёла і асабіста кардынала Ёахім Майснера, якія нібыта не паважаюць правы жанчын.

Немка Жазэфіна Маркман, актывістка жаночай арганізацыі Femen, аштрафаваная на 1200 еўра за акцыю пратэсту ў кёльнскім саборы падчас Імшы-пастэркі. Пра гэта паведамляе sueddeutsche.de. 24 снежня 2013 года актывістка Femen выбегла ў прэзбітэрыум і, узлезшы на алтар, у напаўаголеным выглядзе пачала свой пратэст. Свой учынак дзяўчына патлумачыла пратэстам супраць Каталіцкага Касцёла і асабіста кардынала Ёахім Майснера, якія нібыта не паважаюць правы жанчын.

Суд над парушальніцай завяршыўся толькі нядаўна. 21-гадовай Жазэфіне Маркман пагражала да трох гадоў турэмнага знявольніцтва або грашовы штраф. У выніку дзяўчына была абвінавачана за «перашкоду ажыццяўлення рэлігійных практык» і павінна выплаціць штраф у памеры 1200 еўра.

Catholic.by

Last modified onЧацвер, 04 Снежань 2014 13:54

Tagged under

Related items