Папа: няма лепшага спосабу аб’вяшчэння Евангелля, як дапамога бедным
- Written by katolik-gomel.by
- Published in Царква
- Comments (1)
“Бедныя евангелізуюць нас пастаянна, яны, таямнічым чынам, маюць зносіны з мудрасцю Бога”.
Францішак прызнаўся, што вельмі цэніць працу на карысць бедных, бяздомных і адкінутых грамадствам. 13 снежня 2014 г. ён сустрэўся з членамі каталіцкай дабрачыннай ініцыятывы з Францыі “Foyer Notre Dame des Sansabri”. Яе заснавальнік, Габрыэль Росэт, “чуў крык бедных і быў узрушаны пакутамі іншых людзей”, на што даў свой велікадушны адказ, адзначыў Папа. Гэты крык, дадаў ён, ні што іншае, як вокліч церпячага Хрыста. “Бедныя евангелізуюць нас пастаянна, яны, таямнічым чынам, маюць зносіны з мудрасцю Бога”, - сказаў Пантыфік.
Гэты свет, на яго думку, тэрмінова патрабуе сведчання Божай міласэрнасці, паколькі сёння чалавек часта прызнаецца бескарысным. Бог, наадварот, заўсёды паважае чалавечую годнасць і высакароднасць. Кожная асоба займае асаблівае месца ў Яго сэрцы.
Святы Айцец падзякаваў французскім дабрачынцам за сведчанне міласэрнасці, што праяўляецца ў шматлікіх простых, але канкрэтных жэстах, з дапамогай якіх лечацца людзкія пакуты, даецца новая надзея і аднаўляецца годнасць. “Няма больш прыгожага спосабу аб’вяшчаць сёння ўсяму свету радасць Евангелля”, - лічыць Францішак.
Related items
- «Бог даў нам адсутнасць паветранай трывогі». Пра Дзень дзіцяці ў Жытоміры распавёў біскуп
- Пад'ём у 3:30, маўчанне і ніякіх гаджэтаў. Адзіны ў свеце беларус камельдул наведаў родны горад
- Папа Рымскі прыняў у Ватыкане шамана – той папрасіў аб дапамозе
- «Уразіла міласэрнасць». Што здзівіла ў Беларусі самотнага пілігрыма пасля Кітая і ЗША
- Новага біскупа ў Беларусі прызначыў Папа Рымскі на незвычайную пасаду
RSS-стужка каментароў гэтага запiсу