Як гучыць новы гімн паломнікаў? «Сямейная пілігрымка» запісала мілае відэа
- Written by Katolik.life
- Published in Царква
- Add new comment
Сем'і запусцілі марафон выканання песні «Каранаваная Богам», створанай да 20-годдзя каранацыі абраза Маці Божай Будслаўскай.
«Сямейная пілігрымка» запісала мілае відэа з новай песняй у гонар Маці Божай Будслаўскай - гэты гімн заспяваюць падчас прывітання пілігрымаў у Будславе 1 ліпеня. Спеў «Каранаваная Богам» быў створаны адмыслова да 20-годдзя каранацыі цудадзейнага абраза Маці Божай Будслаўскай, якое адзначаецца сёлета. Аўтарам песні стаў айцец францішканін Яўген Голуб OFMConv.
- Сямейная пілігрымка крочыць да Маці Божай Будслаўскай усяго адзін дзень. Не маем магчымасці вывучыць новы спеў у дарозе, таму запускаем марафон! - паведамілі удзельнікі руху Equipes Notre-Dame у Беларусі.
Дарэчы, запісацца ў сямейнае паломніцтва яшчэ не позна - яно будзе ісці ў Будслаў каля 15 км ад вёскі Пузыры.
Нагадаем, у 2018 годзе ўрачыстасці ў нацыянальным санктуарыі Маці Божай Будслаўскай пройдуць 1-2 ліпеня. Самыя маштабныя святкаванні беларускіх католікаў будуць прысвечаны 20-годдзю каранацыі цудатворнага абраза Найсвяцейшай Панны Марыі, а таксама моладзі - «надзеі Касцёла і грамадства».
Media
Related items
- Не святар: разабралі памылковую інфармацыю пра затрыманне верніка ў Омску
- З 7 дзецьмі пасля 25 сутак вядомы прапаведнік пакінуў Беларусь
- Сезон пешых пілігрымак у Беларусі адкрыюць католікі ў Пінску
- 9-месячную малітву аб ненароджаных дзецях пачалі ў Звеставанне католікі
- «Уразіла міласэрнасць». Што здзівіла ў Беларусі самотнага пілігрыма пасля Кітая і ЗША