«Учыніць цуд аздараўлення нацыі». Арцыбіскуп Кандрусевіч - аб крызісе на мяжы і ў краіне
- Written by KATOLIK.LIFE
- Published in Царква
- Add new comment
Заслужаны іерарх папрасіў Божую Маці ўзяць на рукі нашу Бацькаўшчыну
Ва ўспамін Маці Божай Вастрабрамскай, 16 лістапада, арцыбіскуп эмерыт Тадэвуш Кандрусевіч узначаліў цэлебрацыю святой Імшы ў касцёле святога Сымона і святой Алены ў Мінску (Чырвоны касцёл). Парафія вяла прамую трансляцыю. Напрыканцы гаміліі заслужаны іерарх адзначыў:
- У складаны час нашай гісторыі, дарагія браты і сёстры, папросім Божую Маці Вастрабрамскую апекі над намі. Марыя, у гэты складаны час, які перажываем мы ўсе, і грамадска-палітычны крызіс, і гэты крызіс на беларуска-польскай мяжы, - вазьмі на рукі нас, вазьмі на рукі нашу Бацькаўшчыну! І прынясі яе да свайго Сына. А Ён учыніць цуд аздараўлення нашай нацыі, каб мы былі адзіным народам, каб мы былі тымі, якія згаджаюцца з Божай воляй, каб мы былі тымі, хто будуе сваё жыццё на прынцыпах Евангелля, на хвалу Бога і дзеля збаўлення людзей.
Абраз Маці Божай Вастрабрамскай ушаноўваецца ў Вільні як Маці Міласэрнасці. Гэта вялікая святыня трох народаў: літоўскага, беларускага і польскага. Культ цудадзейнай іконы з Вострай Брамы да гэтага часу шырока распаўсюджаны на беларускіх землях, асабліва на тых, якія раней уваходзілі ў склад даўняй Віленскай архідыяцэзіі.
Related items
- Беларусы даказваюць у судах «польскія карані» – з дапамогай веры
- На «гучныя» службы ў касцёле паскардзіўся жыхар Смаргоні. Што яму адказалі?
- Сезон пешых пілігрымак у Беларусі адкрыюць католікі ў Пінску
- У Беларусі ўвялі Дзень цяжарных: хто ініцыятар і чаму такія даты
- 9-месячную малітву аб ненароджаных дзецях пачалі ў Звеставанне католікі