У гомельскім касцёле будзе служыць новы святар - айцец Кшыштаф Запала
- Written by katolik-gomel.by
- Published in Навіны - Гомель
- Comments (3)
Ксёндз Кшыштаф да гэтага часу служыў вандроўным святаром Нэакатэхуменальнага шляху, у апошні час - у Расіі.
Камітэт па справах рэлігій і нацыянальнасцяў Беларусі выдаў дазвол польскаму святару Кшыштафу Запале на служэнне ў гомельскай рыма-каталіцкай парафіі Нараджэння Божай Маці. Згодна з дакументам, ксёндз Кшыштаф зможа прыступіць да служэння ў Гомелі з 1 кастрычніка 2014 года ў якасці вікарыя.
Нагадаем, у чэрвені парафію пакінуў мінулы вікарый парафіі айцец Дамінік Шыманскі, якога біскуп накіраваў на вучобу ў Іспанію. У парафіі 500-тысячнага Гомеля застаўся толькі адзін святар - пробашч айцец Славамір Ласкоўскі. Улічваючы тое, што парафія расце, і каталікі праводзяць у Гомелі вялікую сацыяльную работу, святару было складана спраўляцца з усімі справамі.
Але зараз у пробашча з'явіцца памочнік. Ксёндз Кшыштаф да гэтага часу служыў вандроўным святаром Нэакатэхуменальнага шляху, працаваў у розных краінах, у тым ліку ў Расіі, таму добра ведае рускую мову, а цяпер будзе вывучаць і беларускую.
Выпускнікоў беларускіх семінарый, на жаль, не хапае на ўсе мясцовыя рыма-каталіцкія парафіі, таму даводзіцца звяртацца па дапамогу замежных святароў. Нагадаем, амаль трэць служачых у Беларусі ксяндзоў запрошаныя з Польшчы.
Related items
- Як у вёсках праходзяць Маёвыя набажэнствы, паказалі на Гродзеншчыне
- «Не сказалі нават біскупу». Даведаліся, на які тэрмін асудзілі святароў у Віцебску
- «Сезон пілігрымак» адкрыла паломніцтва з Пінска ў Лагішын
- «Зробім каталіцкае ТБ». Два моцныя YouTube-праекты запусцілі святары і манахіня
- Святары з Шуміліна застаюцца ў зняволенні, таксама была затрымана парафіянка
Это у тебя такая ирония?
RSS-стужка каментароў гэтага запiсу