У Дзіцячай вёсцы сіротам-інвалідам зладзілі свята ў гонар Анёлаў-Ахоўнікаў [фота, відэа]
- Written by katolik-gomel.by
- Published in Навіны - Гомель
- Comments (5)
Упершыню ў інтэрнаце прайшла Літургія, а сёстры-законніцы спяклі для салодкага стала пірагі і кексы, пачаставаўшы святароў і дзяцей.
У Гомельскім доме-інтэрнаце для дзяцей-інвалідаў і маладых інвалідаў з асаблівасцямі псіха-фізічнага развіцця 21 лістапада прайшло свята ў гонар Анёлаў-ахоўнікаў. Упершыню ў інтэрнаце адбылася праваслаўная Літургія, святар прычасціў дзяцей, а тыя выступілі з канцэртам. Дзеці-інваліды чыталі вершы, спявалі, танчылі, паказвалі пантамімы. Завяршылася свята салодкім сталом, які падрыхтавалі каталіцкія законніцы-бенедыктынкі.
- Настолькі любіць нас Гасподзь, што даў кожнаму чалавеку Анёла-ахоўніка. Але і мы самі часта становімся анёлам-ахоўнікам для іншых, да прыкладу, для гэтых дзяцей. Дзякуем Богу за Ягоную любоў і будзем выконваць Ягоную запаведзь - быць святлом для свету, асвятляць тых, хто знаходзіцца побач з намі, - заклікаў іерэй Свята-Траецкага храма айцец Мікалай Кадацкі.
Роўна год таму праваслаўныя і каталікі пачалі сумеснае служэнне ў Дзіцячай вёсцы, пабудаванай каталіцкай дабрачыннай місіяй «Карытас - Міласэрнасць».
Нагадаем, унікальная для Беларусі дзіцячая вёска была ўрачыста адкрыта 12 кастрычніка 2011 года. Хоспіс пабудаваны на грошы замежных дабрачынных арганізацый і вернікаў-каталікоў з Германіі, Аўстрыі, Італіі і іншых еўрапейскіх дзяржаў.
Вёска разлічана на пражыванне ў ёй 60 хлопчыкаў і дзяўчынак ва ўмовах, максімальна набліжаных да сямейных. У такім асяроддзі, а таксама дзякуючы пастаянным дыдактычным і рэабілітацыйным заняткам, магчыма максімальна поўнае развіццё асобы. Пяць асобных груп-сем'яў ўключаюць максімум 12 чалавек. Звяном, якое злучае такую групу-сям'ю, з'яўляецца сястра-законніца Ордэна бенедыктынак-Самарыцянак Крыжа Хрыстова, яна разам з дапаможным персаналам клапоціцца аб належным клімаце выхавання і апекуе жыццё дзяцей. Дзейнасць хоспіса арганізавана пры падтрымцы абласнога камітэта па працы і сацыяльнай абароне насельніцтва.
Media
Related items
- «Пад зямлёй адчула сябе шчаслівай». Беларуска працуе ў шахце і запрашае туды на Імшу
- Загадкі Каралевы Беларусі: уратавала ад маскоўскай акупацыі, знікла і зноў аб'явілася
- Мілыя фота з жывёламі ў Баранавічах выклалі манаскія асобы
- Пасля сутак на мяжы кіроўцу не ўпусцілі ў Беларусь з Польшчы. Прычына небанальная
- Адпраўка ў войска ў Беларусі адбываецца з удзелам святароў
Этим детям нужна не катехизация, а любовь прежде всего, тепло человеческое. Это не мы несем спасение таким деткам, это они спасают нас.
Наверное, большинство детей уже были крещеными в православии, зачем им проводить катехезы и переводить в католичество? Да и трудно таким детям проводить катехезы. И неокатехуменат не для этого создан, а чтобы каждый себя хотя бы смог спасти :) Конечно, служение какое-то могли бы в Деревне общины вести, но вряд ли катехетическое.
RSS-стужка каментароў гэтага запiсу