І ста гадоў не прайшло: у Гомелі пазбавіліся апошняй савецкай зоркі на елцы
- Written by Katolik.life
- Published in Навіны - Гомель
- Comments (4)
Калядная зорка ўпершыню з'явілася на плошчы Паўстання.
Апошнія гады сайт Katolik.life пісаў аб «зорным» пытанні - для кагосьці не важным, а для некага прынцыповым. Калі пасля распаду Савецкага саюза галоўныя святочныя елкі Мінска і іншых гарадоў Беларусі замест савецкай зоркі сталі ўпрыгожваць Каляднымі, у Гомелі на верхавінах елак па-ранейшаму красаваліся савецкія чырвоныя пяціканцовыя зоркі. Чырвоная зорка звычайна называлася «Марсавай зоркай» па імені старажытнарымскага бога вайны Марса, таму выкарыстоўваецца ў армейскай і дзяржаўнай сімволіцы многіх краін, у тым ліку тых, дзе былі ўсталяваныя ваенныя дыктатуры.
Але вось першая Бэтлеемская або Калядная зорка з'явілася на плошчы Перамогі, на Прывакзальнай плошчы, а праз год - і на галоўнай елцы на цэнтральнай плошчы Леніна. «Апорай савецкага мінулага» ў цэнтры Гомеля ўсе гэтыя гады заставалася елка на плошчы Паўстання. І, нарэшце, напярэдадні новага 2018 года, тут таксама ўпрыгожылі елку сімвалам хрысціянскай урачыстасці - Нараджэння Хрыстова. Святочнае дрэва адразу ж папрыгажэла, ці не так?
Сімвалічна, што гэта адбылося ў 100-гадовы юбілей Фацімскіх аб'яўленняў Панны Марыі і ў 100-годдзе крывавай рэвалюцыі бальшавікоў, пасля якой пачаліся ганенні на Царкву, забарона хрысціянскіх святаў, а галоўныя елкі сталі ўпрыгожваць камуністычным сімвалам замест Бэтлеемскай зоркі. Дарэчы, менавіта Найсвяцейшая Багародзіца ў Фаціме прадказвала распад імперыі зла - СССР.
Related items
- Ці ўступаць у піянеры, спыталі ў вернікаў – частка адказаў здзівіла
- Загадкі Каралевы Беларусі: уратавала ад маскоўскай акупацыі, знікла і зноў аб'явілася
- Не святар: разабралі памылковую інфармацыю пра затрыманне верніка ў Омску
- Пасля сутак на мяжы кіроўцу не ўпусцілі ў Беларусь з Польшчы. Прычына небанальная
- Адпраўка ў войска ў Беларусі адбываецца з удзелам святароў
Район "старый аэродром", остановка Рембыттехника, сегодня проходил мимо ёлки в 17.30. На верхушке красная пятиконечная звезда!!! Хотя, пока ехали с вокзала обсуждали именно эту тему. Выходим из автобуса и на тебе!
RSS-стужка каментароў гэтага запiсу