Фота з космасу: на борце МКС - абраз Божай Маці

На сваёй старонцы ў Instagram беларускі касманаўт Алег Навіцкі выклаў фатаграфію начнога Мінска з космасу. «Спяшаюся ўзрадаваць землякоў!», - падпісаў здымак касманаўт. Раней ён абяцаў беларусам сфатаграфаваць краіну з арбіты, а свой «касмічны» Instagram адкрыў у пачатку 2017 года.

Цяперашняя экспедыцыя на Міжнародную касмічную станцыю - другі палёт у космас ураджэнца Чэрвеня Мінскай вобласці. А некалькі гадоў таму Алег Навіцкі знаходзіўся на арбіце ў якасці камандзіра карабля «Саюз ТМА-06М».

На іншых фота беларуса - экіпаж, абстаноўка ўнутры касмічнага карабля, у тым ліку побач з абразом Панны Марыі, розныя віды планеты, начныя гарады.