Мінкультуры абвясціла конкурс на стварэнне мемарыяла ў Курапатах
- Written by katolik-gomel.by
- Published in Соцыум
- Comments (1)
Магчыма, мемарыялам стане капліца - месца малітвы.
Міністэрства культуры Беларусі аб'явіла конкурс эскізных праектаў мэмарыялу ў Курапатах. Нагадаем, у гэтым ўрочышчы адбываліся масавыя пахаванні рэпрэсаваных, якія былі расстраляныя ў канцы 1930-х - пачатку 1940-х гадоў. Раней па ініцыятыве дэмакратычнай грамадскасці ў Курапатах усталявалі сотні крыжоў, але цяпер улады вырашылі стварыць у Курапатах мемарыял.
- Мэтай конкурсу з'яўляецца пошук найбольш выразнага мастацкага адлюстравання вобразу ўрочышчы "Курапаты" як агульнанацыянальнага месца памяці і прымірэння. Кампазіцыйнае і пластычнае выкананне памятнага знака (мемарыяла) павінна быць вытрымана ў лепшых традыцыях класічнага і нацыянальнага манументальнага мастацтва, адлюстроўваць галоўную ідэю твора - увекавечанне памяці ўсіх бязвінна загінулых ахвяраў XX стагоддзя ў гісторыі Беларусі, - паведамляе Мінкульт.
Заяўкі для ўдзелу ў конкурсе будуць прымаць да 26 красавіка 2017 г. па адрасе: г. Мінск, пр. Пераможцаў, 11, каб. 308, кантактны тэлефон +375 17 203 91 31.
Нагадаем, арцыпастыр Каталіцкай царквы ў Беларусі лічыць, што «Курапаты павінны стаць нацыянальным Мемарыяльным комплексам». Магчыма, у выглядзе мемарыяла ва ўрочышчы будзе пабудавана капліца - месца малітвы.
Дарэчы, нядаўна ў Хатыні ўпершыню за час існавання мемарыяла ўсталявалі крыж.
Related items
- 9 траўня ў дзень Унебаўшэсця Пана католікі моляцца аб супакоі на зямлі
- Teresa & Maria: у фінал Еўрабачання выйшла Украіна з песняй з хрысціянскім кантэкстам
- Фэст у лясной капліцы з незвычайнай гісторыяй святкавалі капуцыны і пілігрымы
- І ў горадзе, і ў вёсцы: фестываль арганнай музыкі пройдзе ў касцёлах Беларусі
- Ці ўступаць у піянеры, спыталі ў вернікаў – частка адказаў здзівіла
RSS-стужка каментароў гэтага запiсу