Унікальны хрысціянскі крыж IX-X стагоддзя знойдзены ў раскапаных скарбах вікінгаў
- Written by katolik-gomel.by
- Published in Царква
- Add new comment
Каштоўныя скарбы вікінгаў, сярод якіх і рэдкі крыж, знайшоў пры дапамозе звычайнага металашукальніка шатландскі пенсіянер Дэрэк Макленан.
Акрамя срэбнага крыжа ў скарбе знаходзілася больш за 100 артэфактаў — у тым ліку брошкі і бранзалеты. Усё гэта было закапана ў полі на паўднёвым захадзе Шатландыі.
Кошт знаходкі ацэньваецца шасцізначнай сумай. Як сцвярджаюць эксперты, гэта адна з самых буйных калісьці знойдзеных схованак вікінгаў.
Сярод знойдзеных прадметаў найбольшую цікавасць уяўляе сабой хрысціянскі крыж IX-X ст. Ён выраблены з кавалка срэбра і пакрыты вельмі незвычайнымі ўзорамі.
Яшчэ адна цікавая знаходка — сасуд эпохі Каралінгаў. Ён быў выраблены раней за астатнія прадметы і, як мяркуюць эксперты, да таго моманту, як скарб закапалі ў сярэдзіне IX і пачатку Х стагоддзя, гэтаму сасуду ўжо было сто гадоў. Летась шатландскі пенсіянер Макленан ужо знаходзіў адзін скарб, раскапаўшы вялізную схованку сярэднявечных манет.