На Кубе будуюць першы пасля рэвалюцыі касцёл
- Written by katolik-gomel.by
- Published in Царква
- Add new comment
Камуністычныя ўлады дазволілі будаўніцтва трох касцёлаў.
На Кубе распачалося будаўніцтва першага пасля рэвалюцыі 1959 года каталіцкага храма. Улады далі дазвол на ўзвядзенне касцёла св. Яна Паўла II у Баія, раёне на ўсходзе Гаваны, паведаміла місійнае агенцтва “Fides”. Ён стане першым з трох новых касцёлаў, будаўніцтва якіх дазволілі камуністычныя ўлады.
Ян Павел II здзейніў у 1998 г. візіт на Кубу і разгарнуў новую старонку ў складаных адносінах паміж камуністычнай дзяржавай і Каталіцкім Касцёлам. 19 верасня 2015 г. папа Францішак прыбудзе сюды з трохдзённым візітам. Востраў наведаў у 2012 г. і яго папярэднік Бэнэдыкт XVI.
Трэба нагадаць, што ватыканская дыпламатыя і асабіста папа Францішак унеслі значны ўклад у нядаўняе збліжэнне паміж Кубай і Злучанымі Штатамі.
Related items
- У Беларусі праходзяць святы Першай Камуніі – як гэта было ў сельскіх храмах
- Як у вёсках праходзяць Маёвыя набажэнствы, паказалі на Гродзеншчыне
- «Не сказалі нават біскупу». Даведаліся, на які тэрмін асудзілі святароў у Віцебску
- «Сезон пілігрымак» адкрыла паломніцтва з Пінска ў Лагішын
- «Зробім каталіцкае ТБ». Два моцныя YouTube-праекты запусцілі святары і манахіня