Моцны землятрус у Італіі зруйнаваў старажытны храм

Кастрычнік 30, 2016
Written by katolik-gomel.by
Published in Царква
Add new comment

Пацярпела таксама базіліка св. Паўла ў Рыме, яна пакуль зачыненая.

Перад малітвай “Анёл Панскі” 30 кастрычніка 2016 г. Францішак выказаў сваю салідарнасць з жыхарамі цэнтральнай Італіі, якія пацярпелі ад сённяшняга землятрусу. “Таксама сёння раніцай было моцнае страсенне. Я малюся за параненых і за сем'і, якім быў нанесены сур'ёзны ўрон, а таксама за тых, хто ўдзельнічае ў выратаванні і дапамозе. Няхай Уваскрослы Пан дасць ім сілу, а Божая Маці іх ахоўвае”, - сказаў Пантыфік.

Землятрус магнітудай 6,5 балаў па шкале Рыхтэра адбыўся сёння раніцай. Разбурыліся разам з іншымі аб’ектамі, таксама старажытная катэдра і базыліка св. Бэнэдыкта ў Нурсіі. Землятрус быў адчувальны і ў Рыме, дзе закрылі базыліку св. Паўла за Мурамі, таму што адпалі там кавалкі карніза пад столлю храма. Заўважана таксама расколіну ў падмурку адной з калон. Базыліка замкнута для вернікаў і турыстаў.

be.radiovaticana.va

Tagged under