Не каронавірус. Браты-капуцыны з Докшыц папраўляюцца
- Written by KATOLIK.LIFE
- Published in Царква
- Add new comment
Па словах медыкаў, тэсты на COVID-19 у манахаў адмоўныя
6 красавіка сталі вядомыя вынікі тэстаў на каронавірус дваіх каталіцкіх манахаў з ордэна капуцынаў, якія служаць у Докшыцах. Як сказалі братам медыкі, тэсты адмоўныя: каронавірус пакуль не пацвердзіўся, паведаміў Katolik.life кусташ Беларускай кустоды ордэна братоў меншых капуцынаў айцец Алег Шэнда. Чакаецца, што манахі пройдуць паўторныя тэсты, каб лекары пераканаліся, што ў братоў сапраўды няма COVID-19.
- Стан здароўя абодвух братоў паляпшаецца, будзем спадзявацца, што яны папраўляюцца. Дзякуем за малітву і просім па-ранейшаму маліцца за братоў, - сказаў а. Алег.
Нагадаем, двое манахаў, адзін з іх святар, патрапілі ў раённую лякарню з запаленнем лёгкіх. Таксама былі шпіталізаваны некалькі парафіянаў мясцовага каталіцкага храма.
У цэлым, докшыцкая лякарня запоўненая пацыентамі з пнеўманіяй, аднак памерлых, паводле афіцыйнай інфармацыі, няма.
Дарэчы, тры святары і адзін дыякан праваслаўнага храма ў Маскве заразіліся COVID-19 і патрапілі ў шпіталь. Адзін са святароў ужо папраўляецца.
Related items
- Беларусы даказваюць у судах «польскія карані» – з дапамогай веры
- Не фэйкі і не хакеры: «Радыё Марыя» працягвае збор і тлумачыць непаразуменні
- У Ізраілі католікі з Беларусі спакойна перажылі атаку Ірана, але «вайна дастала»
- Без цуду, але з падтрымкай: як «Радыё Марыя» выходзіць з цяжкай сітуацыі
- Паранены святар, пасадка бульбы: як жывуць пры абстрэлах вернікі Харкава і рэгіёну