У касцёлах Беларусі праводзяць збор дапамогі для ўцекачоў з Украіны
- Written by KATOLIK.LIFE
- Published in Царква
- Add new comment
Жыхары памежных раёнаў, якія трапілі ў Гомельскую вобласць, часова расселены па санаторыях
Да рыма-каталіцкіх парафій Беларусі звярнулася біскупская канферэнцыя з заклікам арганізаваць збор дапамогі для ўцекачоў з Украіны, якія знаходзяцца ў Гомельскай вобласці. Пасля ўварвання Расіі ва Украіну многія населеныя пункты Чарнігаўскай і Кіеўскай абласцей аказаліся адрэзанымі ад транспартнага паведамлення.
Людзі ў памежных з Беларуссю раёнах ужо больш месяца церпяць ад недахопу харчавання, лекаў, сродкаў гігіены, бо пастаўкі грузаў сюды былі немагчымыя. Многія людзі засталіся без жылля ў выніку абстрэлаў. Таму сотні украінскіх жыхароў уехалі ў Гомельскую вобласць - адзіны магчымы шлях да эвакуацыі. Тых, хто застаўся ў Беларусі, рассялілі па санаторыях рэгіёна. Аднак сродкаў на ўсе выдаткі і неабходную дапамогу ўцекачам не хапае, таму ўлады звярнуліся ў тым ліку да каталіцкіх іерархаў з просьбай арганізаваць збор рэчаў і ахвяраванняў.
Адзначым, што дапамогу ў Гомелі збіраюць таксама валанцёры - за свае грошы людзі набываюць неабходныя рэчы і адвозяць па санаторыях, а таксама дастаўляюць на мяжу для тых людзей, якія працягваюць заставацца ў сваіх дамах.
Біскупы запрашаюць вернікаў прыносіць прадукты, вопратку - рэчы перададуць патрабуючым рэгіянальныя арганізацыі каталіцкай дабрачыннай місіі Caritas. Сабраныя ў парафіях ахвяраванні пералічаць на рахунак беларускага Caritas альбо перададуць у Курыі дыяцэзій.
Related items
- 9 траўня ў дзень Унебаўшэсця Пана католікі моляцца аб супакоі на зямлі
- Манах з Гудагая зрабіў арэлі для парафіі ў Мінску
- Напярэдадні Вялікадня праваслаўны архіепіскап наведаў каталіцкі цэнтр у Гомелі
- Фэст у лясной капліцы з незвычайнай гісторыяй святкавалі капуцыны і пілігрымы
- «Бог даў нам адсутнасць паветранай трывогі». Пра Дзень дзіцяці ў Жытоміры распавёў біскуп