Першая служба беларускага праваслаўнага прыхода Сусветнага Патрыярхату прайшла ў Вільні
- Written by KATOLIK.LIFE
- Published in Царква
- Add new comment
У службе ўдзельнічалі каля 150 чалавек, хор выканаў духоўны гімн «Магутны Божа», падчас Літургіі маліліся за Беларусь, а ўзначалілі служэнне святары Георгій Рой і Аляксандр Кухта.
У свята Уваскрасення Хрыстова, якое праваслаўныя адзначылі 16 красавіка, у велікодную ноч, у Вільні прайшла першая служба супольнасці Сусветнага патрыярхату на беларускай мове.
Як паведаміў на сваёй старонцы ў Facebook праваслаўны святар Аляксандр Шрамко, святочная Літургія прайшла ў лютэранскім храме — яго прадаставіла беларускім вернікам мясцовая супольнасць.
«Прысутнічала каля 150 чалавек — нечакана шмат для Вільні», — адзначыў Аляксандр Шрамко, які апублікаваў фота і відэа з урачыстай службы.
Перад Прычасцем хор выканаў беларускі духоўны гімн «Магутны Божа». Узначальвалі служэнне Літургіі святары, якія нядаўна перайшлі з БПЦ Маскоўскага патрыярхату ў Сусветны (Канстанцінопальскі) патрыярхат Праваслаўнай Царквы. Гэта протаіерэй Георгій Рой з Гродна і іерэй Аляксандр Кухта з Мінска, які раней як валанцёр дапамагаў украінскім бежанцам.
Media
Related items
- Напярэдадні Вялікадня праваслаўны архіепіскап наведаў каталіцкі цэнтр у Гомелі
- Фэст у лясной капліцы з незвычайнай гісторыяй святкавалі капуцыны і пілігрымы
- Праваслаўная Велікодная служба па-беларуску з анлайн-трансляцыяй пройдзе ў Вільні
- «Пад зямлёй адчула сябе шчаслівай». Беларуска працуе ў шахце і запрашае туды на Імшу
- Загадкі Каралевы Беларусі: уратавала ад маскоўскай акупацыі, знікла і зноў аб'явілася