Ну і ну! У адзін дзень у адной сям'і – пяць хростаў і вянчанне

Ліпень 20, 2024
Written by KATOLIK.LIFE
Published in Царква
Add new comment

Шматдзетныя бацькі абвянчаліся і пахрысцілі ўсіх сваіх дзяцей у касцёле ў Гродзенскай вобласці.

Пра асаблівую падзею паведаміла 20 ліпеня парафія святога Юрыя ў Варнянах. Тут у гэты дзень пахрысцілі адразу пяць дзяцей з адной сям'і. Больш за тое, іх бацькі, шматдзетныя сужэнцы Віталь і Валерыя Казімеровіч у той самы дзень павянчаліся ў касцёле.

«Паблагаславі, Пане Божа, дзяцей: Ксенію, Данілу, Паліну, Максіма і Сафію з сям'і Казімеровіч, якія 20 ліпеня прынялі сакрамэнт хросту. Благаславі таксама бацькоў: Віталія і Валерыю, якія ў гэты ж дзень пабраліся шлюбам, і хросных бацькоў: Дзмітрыя і Алену», – гаворыцца ў паведамленні парафі [фота глядзіце ніжэй]

Як сужэнцы прыйшлі да веры, якая іх гісторыя – не ўдакладняецца. Мы знайшлі толькі адну ўзгадку ў Сеціве пра шматдзетную сям'ю Казімеровіч. Паводле ёй, сям'я жыве ў вёсцы Гоза.

Чытайце таксама: Што павінны рабіць хросныя бацькі і Чаму важна хрысціць дзяцей у маленстве.