Ксёндз-акцёр, жоўтыя біркі – незвычайна адзначылі юбілей касцёла ў Варнянах

Кастрычнік 6, 2024
Written by KATOLIK.LIFE
Published in Царква
Add new comment

У парафіі, дзе падчас вайны пробашч дапамагаў ратаваць габрэяў, прадставілі тэатральную пастаноўку аб гісторыі святыні.

У парафіі святога Юрыя ў Варнянах Астравецкага раёна 5 кастрычніка адзначылі 255-годдзе касцёла. З гэтай нагоды біскуп эмэрыт Аляксандр Кашкевіч удзяліў у парафіі сакрамэнт канфірмацыі, а акрамя ўрачыстай святой Імшы ў гэты дзень у касцёле прадставілі тэатральную пастаноўку аб гісторыі святыні.

Сам пробашч парафіі ксёндз Віктар Захарэўскі сыграў у спектаклі: ён выконваў ролю архітэктара касцёла. Таксама сярод паказаных сцэн – мясцовы кірмаш і гісторыя пачатку Другой сусветнай вайны, калі тагачасны пробашч ксёндз Ян Сялевіч дапамагаў хаваць ад нацыстаў габрэяў, за што быў удастоены звання Праведнік народаў свету.

Поўную версію спектакля апублікавалі на YouTube-канале парафіі [глядзіце ніжэй]