Упершыню ў Мінску можа з'явіцца «Нэакатэхуменальны шлях»

У парафіі Святога Францішка Асізскага ў Мінску (Новая Баравая) з 7 кастрычніка пачынаецца цыкл катэхез для дарослых і моладзі, якія будуць праходзіць кожны панядзелак і сераду пасля вячэрняй Імшы.

Гэта сустрэчы, якія ў прысутнасці святара праводзяць свецкія вернікі – удзельнікі руху «Нэакатэхуменальны шлях». Па выніку гэтых сустрэч, якія праходзяць на працягу некалькіх месяцаў, удзельнікам прапануецца арганізаваць суполку.

Нэакатэхуменат – гэта рух у Каталіцкай царкве, які заснавалі іспанцы Кіка Аргуэльё і Кармэн Эрнандэс у 1964 годзе ў адказ на секулярызацыю грамадства і заклік Другога Ватыканскага сабора аб новай евангелізацыі. Ідэя руху – абнаўленне свайго хросту праз розныя этапы і жыццё па вобразу першых хрысціянскіх суполак.

Пры гэтым рух мае свае асаблівасці – як у літургіі, так і ў душпастырскім суправаджэнні.

У Беларусі першыя нэакатэхуменальныя суполкі былі створаны ў Гомелі. Таксама прадстаўнікі руху, у тым ліку святары, ёсць у Светлагорску, Рэчыцы, Маладзечне. У Мінску «Неакатэхуменальны шлях» можа з'явіцца ўпершыню.

Наш канал в Telegram – только интересное и важное. Подписаться >