Гомель наведала дабрачынная дэлегацыя з Шатландыі

Гомель наведала дэлегацыя з Шатландыі з мэтай вывучэння вопыту дабрачыннай працы. У рамках праграмы візіту дэлегацыя з шасці спецыялістаў, якія вядуць медыцынскі і сацыяльны напрамкі ў дабрачыннай дзейнасці, наведала мясцовую каталіцкую парафію Нараджэння Божай Маці. У час сустрэчы з пробашчам парафіі і прадстаўнікамі дабрачыннай каталіцкай місіі «Карытас - Міласэрнасць» госці абмяркоўвалі вопыт дабрачыннай працы, ідэі на будучыню і духоўныя пытанні.

Таксама шатландцы наведалі сярэднюю школу №70 для дзяцей з парушэннем слыху, дзе ўжо некалькі гадоў працуе ДКМ «Карытас-Міласэрнасць» - ладзіць тут бясплатныя курсы па жэставай мове і «Творчую майстэрню для вучняў». У школе для гасцей арганізавалі экскурсію і сустрэчу з вучнямі.