У касцёлах Гомельшчыны сыграюць «Палёт над часам»

Верасень 22, 2015
Written by katolik-gomel.by
Published in Навіны - Гомель
Add new comment

Лаўрэаты міжнародных конкурсаў Трафім Анціпаў і Раман Кудзін выканаюць шэдэўры арганнай і клавесіннай музыкі.

Канцэрты ў рамках міжнароднага праекта майстроў інструментальнай музыкі «LIRA-FEST» пройдуць у касцёлах Гомельшчыны. Музычную праграму «Палёт над часам» прадставяць адны з самых тытулаваных і самабытных сучасных выканаўцаў на баяне - лаўрэаты міжнародных конкурсаў Трафім Анціпаў і Раман Кудзін, якія выканаюць шэдэўры арганнай і клавесіннай музыкі.

У светлагорскай рыма-каталіцкай царкве Узвышэння Святога Крыжа канцэрт пройдзе 25 верасня ў 19:30, у рэчыцкім касцёле Найсвяцейшай Тройцы - 26 верасня ў 19:00, а 27 верасня ў 19:00 музыкі выступяць у гомельскім касцёле Нараджэння Божай Маці. Квіткі можна набыць у філармоніі, даведкі па тэл. +375 29 6395570.

У кастрычніку запланаваная другая серыя канцэртаў у касцёлах Гомельскай вобласці, таксама музыкі выступяць у іншых рэгіёнах.

Last modified onНядзеля, 27 Верасень 2015 21:57

Tagged under