«30 гадоў таму я быў атэістам і нават падумаць не мог, што калісьці стану святаром»

Жнівень 18, 2014
Written by katolik-gomel.by
Published in Навіны - Гомель
Add new comment

Айцец Адам адслужыў у Гомелі сваю першую Імшу і ўдзяліў асаблівае благаслаўленне ўсім прысутным у касцёле.

У мінулую нядзелю ў гомельскай рыма-каталіцкай царкве Прыміцыйную Імшу цэлебраваў айцец Адам з Польшчы. Каля двух гадоў таму, падчас вучобы ў варшаўскай семінарыі «Redemptoris Mater», пажылы мужчына праходзіў практыку ў гомельскім касцёле, а зараз, пасля пасвячэння ў святары, прыехаў у Гомель, каб адслужыць тут сваю першую Імшу.

- Яшчэ 30 гадоў таму я быў атэістам, і, вядома, нават падумаць не мог, што калісьці стану святаром! Але Ісус вырваў мяне з гэтага пекла - жыцця без Бога, - сказаў падчас пропаведзі новы святар.

З нагоды Прыміцыйнай Імшы айцец Адам удзяліў асаблівае благаслаўленне прысутным святарам, семінарыстам і асабіста кожнаму верніку. Ад імя гомельцаў новага святара павіншаваў біскуп Казімір Велікаселец.

Last modified onПанядзелак, 18 Жнівень 2014 11:34

Tagged under