Праваслаўныя і каталікі разам правядуць Хросны ход у Юравіцкі манастыр
- Written by katolik-gomel.by
- Published in Навіны - Гомель
- Add new comment
Каля кляштара ўсе жадаючыя змогуць прыкласціся да копіі цудатворнага абраза Маці Божай Юравіцкай.
Штогадовы Хросны ход з копіяй абраза Маці Божай Юравіцкай пройдзе 12 верасня. Праваслаўныя і каталікі разам праводзяць Хросны ход з Мазыра ў Юравічы з 2006 года, калі ў склепе разбуранага кляштара выпадкова знайшлі копію цудатворнага абраза. Да гэтага лічылася, што копій старажытнай святыні, якая ў XIX стагоддзі была таемна вывезена ў Кракаў, не існуе.
Нагадаем, абраз Маці Божай Юравіцкай шануецца як католікамі, так і праваслаўнымі. Юравіцкі манастыр, помнік архітэктуры позняга барока, першапачаткова належаў каталіцкаму ордэну езуітаў. Аднак пасля паўстання 1863-1864 гадоў касцёл быў зачынены і перададзены ў праваслаўнае ведамства на падставе загаду генерал-губернатара Мураўёва. Комплекс стаў праваслаўным жаночым кляштаром, але з прыходам савецкай улады яго зачынілі, а будынак аддалі пад дзіцячы дом. У 1993 годзе дзяржава перадала паўразбураны Юравіцкі храмавы комплекс Тураўскай епархіі Беларускай Праваслаўнай Царквы. Рэстаўрацыя будынка доўжыцца да гэтага часу.
З 2006 года кожную восень абраз прывозяць у Мазыр, а потым урачыста нясуць назад у манастыр. У Юравічах Хросны ход мясцовыя жыхары сустракаюць стоячы ля сваіх двароў. Вяскоўцы кідаюць пад ногі святарам кветкі. Пасля Хроснага ходу ўсе жадаючыя могуць прыкласціся да іконы.
Related items
- Напярэдадні Вялікадня праваслаўны архіепіскап наведаў каталіцкі цэнтр у Гомелі
- Фэст у лясной капліцы з незвычайнай гісторыяй святкавалі капуцыны і пілігрымы
- Глядзець, чытаць, удзельнічаць: праваслаўная Велікодная служба па-беларуску з анлайн-трансляцыяй пройдзе ў Вільні
- «Бог даў нам адсутнасць паветранай трывогі». Пра Дзень дзіцяці ў Жытоміры распавёў біскуп
- Такі падарунак – толькі ад байкераў. Мотасезон яны адкрылі ў касцёле