У Дзіцячай вёсцы прайшло вялікае свята ў гонар Анёлаў-Ахоўнікаў
- Written by Алина Приходько
- Published in Карытас - Гомель
- Comments (2)
Святар правёў Літургію, дзеці-інваліды выступілі з канцэртам, а сёстры законныя падрыхтавалі салодкі пачастунак.
У Гомельскім доме-інтэрнаце для дзяцей-інвалідаў і маладых інвалідаў з асаблівасцямі псіха-фізічнага развіцця 20 лістапада прайшло традыцыйнае свята ў гонар Анёлаў-ахоўнікаў. У інтэрнаце адбылася праваслаўная Літургія, якую правёў іерэй Свята-Траецкага храма айцец Мікалай Кадацкі, дзеці выступілі з канцэртам, а сёстры бенедыктынкі падрыхтавалі пачастунак.
- Свята прайшло цудоўна, - кажуць у дабрачыннай каталіцкай місіі «Карытас - Міласэрнасць». - Спачатку была літургія, затым - выдатны канцэрт, на якім былі прадстаўлены новыя нумары і музычныя сцэнкі. Дзеці вельмі стараліся і хваляваліся. Потым быў арганізаваны салодкі стол, на якім было ўсё, што любяць дзеці. Да іх у домік прыйшло шмат гасцей. А скончылася ўрачыстасць дыскатэкай. Да свята рыхтаваліся ўсе: адміністрацыя, выхавальнікі, сёстры і самі дзеці. Усе былі вельмі прыгожа апранутыя і панавала атмасфера свята.
Два гады таму праваслаўныя і каталікі пачалі сумеснае служэнне ў Дзіцячай вёсцы, пабудаванай каталіцкай дабрачыннай місіяй «Карытас - Міласэрнасць».
Нагадаем, унікальная для Беларусі дзіцячая вёска была ўрачыста адкрыта 12 кастрычніка 2011 года. Хоспіс пабудаваны на грошы замежных дабрачынных арганізацый і вернікаў-каталікоў з Германіі, Аўстрыі, Італіі і іншых еўрапейскіх дзяржаў.
Вёска разлічана на пражыванне ў ёй 60 хлопчыкаў і дзяўчынак ва ўмовах, максімальна набліжаных да сямейных. У такім асяроддзі, а таксама дзякуючы пастаянным дыдактычным і рэабілітацыйным заняткам, магчыма максімальна поўнае развіццё асобы. Пяць асобных груп-сем'яў уключаюць па 15 чалавек. Звяном, якое злучае такую групу-сям'ю, з'яўляецца сястра-законніца Ордэна бенедыктынак-Самарыцянак Крыжа Хрыстова, яна разам з дапаможным персаналам клапоціцца аб належным клімаце выхавання і апекуе жыццё дзяцей. Дзейнасць хоспіса арганізавана пры падтрымцы абласнога камітэта па працы і сацыяльнай абароне насельніцтва.
Related items
- «У парафіі 15-20 асоб». Мітрапаліт абвясціў акцыю па падтрымцы Касцёла на Магілёўшчыне
- Беларусы даказваюць у судах «польскія карані» – з дапамогай веры
- На «гучныя» службы ў касцёле паскардзіўся жыхар Смаргоні. Што яму адказалі?
- Не фэйкі і не хакеры: «Радыё Марыя» працягвае збор і тлумачыць непаразуменні
- У Ізраілі католікі з Беларусі спакойна перажылі атаку Ірана, але «вайна дастала»
RSS-стужка каментароў гэтага запiсу